លោកនាយករដ្ឋមន្ត្រី Pham Minh Chinh អបអរសាទរមហាពិធីវិសាខបូជាពុទ្ធសករាជ ២៥៦៨
កប.អនឡាញ - ក្នុងឱកាសមហាពិធីវិសាខបូជាពុទ្ធសករាជ ២៥៦៨ ត្រូវនឹងឆ្នាំសកល ២០២៤ នាព្រឹកថ្ងៃទី ២២ ឧសភា នៅទីក្រុងហាណូយ លោក Pham Minh Chinh នាយករដ្ឋមន្ត្រីវៀតណាម បានអញ្ជើញទៅអបអរសាទរចំពោះថ្នាក់ដឹកនាំមជ្ឈិមសមាគមព្រះពុទ្ធសាសនាវៀតណាម និងចូលរួមមហាពិធីវិសាខបូជាជាមួយអ្នកមុខអ្នកការ ព្រះសង្ឃ និងពុទ្ធបរិស័ទនៅវត្ត Quan Su។
លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា ឆ្លងកាត់ប្រវត្តិសាស្ត្ររាប់ពាន់ឆ្នាំ ព្រះពុទ្ធសាសនាបានចាក់ឫស និងធ្វើសមាហរណកម្មយ៉ាងជ្រាលជ្រៅទៅក្នុងសង្គមវៀតណាម ដោយក្លាយទៅជាសមាសភាពមួយនៃវប្បធម៌ប្រពៃណីដ៏ល្អប្រសើររបស់ប្រជាជនវៀតណាម អរិយធម៌ និងវប្បធម៌វៀតណាម។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/23/upload_2117/01.jpg?dpi=150&quality=100&w=500) |
លោកនាយករដ្ឋមន្ត្រី Pham Minh Chinh អបអរសាទរមហាពិធីវិសាខបូជាពុទ្ធសករាជ ២៥៦៨ (រូបថត៖ vnanet.vn) |
លោកនាយករដ្ឋមន្ត្រី Pham Minh Chinh បានបញ្ជាក់យ៉ាងច្បាស់ថា នៅប្រទេសវៀតណាម គ្រប់សាសនា និងជនជាតិទាំងអស់រស់នៅជាមួយគ្នាប្រកបដោយសុខដុមរមនា ដើម្បីគោលដៅសន្តិភាព កិច្ចសហប្រតិបត្តិការ និងការអភិវឌ្ឍ។ ដោយឈរលើស្មារតីនោះ លោកនាយករដ្ឋមន្ត្រី Pham Minh Chinh បានស្នើឲ្យសមាគមព្រះពុទ្ធសាសនាវៀតណាម រួមជាមួយនឹងសាសនាផ្សេងៗទូទាំងប្រទេស ពង្រឹងផែនមហាសាមគ្គីជនជាតិទាំងមូល លើកកម្ពស់ស្មារតីសាមគ្គីភាពក្នុងប្រទេស សាមគ្គីភាពអន្តរជាតិ សាមគ្គីភាពសាសនា និងសាមគ្គីភាពក្នុងប្រជាជនត្រួសត្រាយផ្លូវក្នុងចលនាប្រជាជនទូទាំងប្រទេសឱ្យបរិច្ចាគសរីរាង្គនិងឈាម ដើម្បីសង្គ្រោះជីវិតមនុស្ស ជំរុញសកម្មភាពមនុស្សធម៌ និងសប្បុរសធម៌ទូទាំងប្រទេស; ត្រួសត្រាយផ្លូវក្នុងការប្រយុទ្ធប្រឆាំងនឹងអបិយជំនឿ ធានាសកម្មភាពសាសនាប្រកបដោយភាពរីករាយ និងភាពស្អាតស្អំ; ដាច់ខាតមិនអនុញ្ញាតឲ្យមានអំពើឆ្លៀកយកជំនឿសាសនាដើម្បីប្រឆាំងនឹងរដ្ឋ ប្រជាជាតិ និងប្រជាជនឡើយ។
ទន្ទឹមនឹងនោះ អនុវត្ត “ចំណុចសំខាន់ទាំង ៣ រួមមាន៖ ចូលរួមចំណែកអប់រំសេចក្ដីស្នេហាជាតិ និងសេចក្តីស្រឡាញ់ចំពោះប្រជាពលរដ្ឋក្នុងសំណាក់ពុទ្ធបរិស័ទ និងសង្គមទាំងមូល; រស់នៅល្អទាំងខាងផ្លូវលោកទាំងខាងផ្លូវធម៌; រួមចំណែកលុបបំបាត់ភាពអត់ឃ្លាន កាត់បន្ថយភាពក្រីក្រ អនុវត្តវឌ្ឍនភាព និងយុត្តិធម៌សង្គម៕
បកប្រែដោយ Thanh Cong