កាសែត The Economic Times៖ វៀតណាមកំពុងលេចឡើងជាមហាអំណាចសេដ្ឋកិច្ចក្នុងតំបន់
កប.អនឡាញ - កាសែត The Economic Times ដកស្រង់សម្ដីរបស់លោក Pranay Verma ឯកអគ្គរដ្ឋទូតឥណ្ឌាប្រចាំវៀតណាម នៅសិក្ខាសាលាតាមប្រព័ន្ធវីដេអូ ក្រោមប្រធានបទ “កាលានុវត្តន៍ភាពក្នុងការវិនិយោគ និងពាណិជ្ជកម្មសកលលោកសម្រាប់ផ្នែកឧស្សាហកម្មឥណ្ឌា នៅវៀតណាម” ដែលរៀបចំឡើងនាពេលថ្មីៗនេះ ដោយសភាពាណិជ្ជកម្ម និងឧស្សាហកម្មឥណ្ឌា PHD (PHDCCI) ដែលឲ្យដឹងថា វៀតណាម និងឥណ្ឌាកំពុងលេចឡើងជាមហាអំណាចសេដ្ឋកិច្ចក្នុងតំបន់ ហើយនឹងបង្កលក្ខណៈផ្សេងៗក្នុងដំណាក់កាលក្រោយជំងឺរាតត្បាត។
វៀតណាម និងឥណ្ឌា បានលេចឡើងជាដៃគូពាណិជ្ជកម្មសកលលោកដោយមានគំនិតផ្ដួចផ្ដើមពីគោលនយោបាយ និងការបង្កើនការធ្វើពាណិជ្ជកម្ម និងវិនិយោគ។ កាសែត The Economic Times ក៏បានដកស្រង់សម្ដីរបស់លោក Do Thanh Hai ទីប្រឹក្សាស្ថានទូតវៀតណាមប្រចាំនៅឥណ្ឌា ដែលបានចាត់ទុកថា លំហូរសេដ្ឋកិច្ច និងពាណិជ្ជកម្ម រវាងឥណ្ឌា និងវៀតណាម នឹងរីកចំរើនទោះបីជំងឺរាតត្បាតមានភាពស្មុគស្មាញក៏ដោយ ហើយការផ្លាស់ប្ដូរសេដ្ឋកិច្ច និងពាណិជ្ជកម្មនឹងអភិវឌ្ឍនៅពេលខាងមុខនេះ។ ប្រទេសទាំងពីរនឹងបង្កើនការផ្លាស់ប្ដូរពាណិជ្ជកម្ម និងបង្កើតកម្លាំងចលករដើម្បីជម្រុញសេដ្ឋកិច្ចសកលលោកនាពេលអនាគត៕
បកប្រែដោយ Thanh Cong