វៀតណាមបញ្ជូនពលរដ្ឋជាង ៣៥០ នាក់ ពីប្រទេសអូស្រ្តាលីនិងនូវែលសេឡង់វិលត្រឡប់មកប្រទេសវិញ
កប.អនឡាញ - នាថ្ងៃទី ៣ កក្កដា ស្ថាប័នមានសមត្ថកិច្ចវៀតណាមនិង ស្ថានទូតវៀតណាមប្រចាំនៅអូស្រ្តាលីនិងនូវែលសេឡង់បានសហការជាមួយក្រុមហ៊ុនអាកាសចរណ៍ជាតិវៀតណាម និងស្ថាប័នមានសមត្ថកិច្ចអូស្រ្តាលីនិងនូវែលសេឡង់រៀបចំជើងហោះហើរមួយដើម្បីដឹកពលរដ្ឋវៀតណាមចំនួន ៣៥០នាក់ ពីប្រទេសអូស្រ្តាលីនិងនូវែលសេឡង់ វិលត្រឡប់មកប្រទេសវិញ។
|
|
កុមារ មនុស្សចាស់ និងអ្នកជម្ងឺ គឺជាមុខសញ្ញាអាទិភាពត្រូវបានវិលត្រឡប់មកប្រទេសវៀតណាមវិញ (រូបថត៖ vov.vn) |
អ្នកដំណើរទាំងអស់នេះរួមមាន ក្មេងៗមនុស្សចាស់ អ្នកឈឺ ស្ដ្រីមានផ្ទៃពោះ សិស្សនិស្សិតគ្មានទីស្នាក់នៅដោយសារការបិទអន្តេវាសិកដ្ឋាន និងពលករដែលផុតកិច្ចសន្យាជាដើម។
ភ្លាមៗបន្ទាប់ពីចុះចតនៅអាកាសយដ្ឋានអន្ដរជាតិ Tan Son Nhat ទីក្រុងហូជីមិញនោះ អ្នកដំណើរទាំងអស់ត្រូវបានពិនិត្យសុខភាពនិងដាក់ឲ្យនៅកន្លែងដាច់ដោយឡែកពីគេតាមការកំណត់៕
បកប្រែដោយ Pham Diep