ទីក្រុងហាណូយប្រគល់ម៉ាស់វេជ្ជសាស្ត្រជាង ១៥០,០០០ សន្លឹក ជូនតំបន់ Ile-de-France ប្រទេសបារាំង
កប.អនឡាញ - នាថ្ងៃទី ៣ ខែកក្កដា នៅទីក្រុងប៉ារីស ប្រទេសបារាំង ឯកអគ្គរដ្ឋទូតវៀតណាមប្រចាំនៅបារាំងបានតាងនាមអាជ្ញាធរទីក្រុងហាណូយប្រគល់ម៉ាស់វេជ្ជសាស្ត្រជាង ១៥០,០០០ សន្លឹក ជូនអាជ្ញាធរតំបន់ Ile-de-France នៃប្រទេសបារាំង។
    |
 |
|
លោកឯកអគ្គរដ្ឋទូត Nguyen Thiep និងលោកស្រីប្រធានក្រុមប្រឹក្សាតំបន់ Ile-de-France បានពិភាក្សាលើការប្រយុទ្ធប្រឆាំងនឹងជំងឺ Covid-19 ( រូបថត៖ vov.vn) |
ក្នុងឱកាសនេះផងដែរ ខ័ណ្ឌ Dong Da ទីក្រុងហាណូយ - ក៏បានប្រគល់ម៉ាស់វេជ្ជសាស្ដ្រ ចំនួន ៣០,០០០ សន្លឹក ជូនទីក្រុង Choisy-le-Roi ដែលជាមូលដ្ឋានមួយស្ថិតនៅក្នុងតំបន់ Ile-de-France ។
លោកឯកអគ្គរដ្ឋទូត Nguyen Thiep និងលោកស្រី ValériePécresse ប្រធានក្រុមប្រឹក្សាតំបន់ Ile-de-France បានពិភាក្សាអំពីកិច្ចសហប្រតិបត្តិការរវាងមូលដ្ឋានទាំងពីរនិងការប្រយុទ្ធប្រឆាំងនឹងជំងឺ Covid-19 ដែលកំពុងកើតឡើងនៅប្រទេសបារាំង ក៏ដូចជានៅប្រទេសវៀតណាម។
លោកស្រី Valérie Pécresse បានសំដែងចំណាប់អារម្មណ៍ចំពោះលទ្ធផលដែលវៀតណាមសម្រេចបានក្នុងការប្រយុទ្ធប្រឆាំងជំងឺ Covid-19 ។
តំបន់ Ile-de-France ជាតំបន់មួយដែលមានទំនាក់ទំនងសហប្រចិត្ដិការជាមួយទីក្រុងហាណូយអស់រយៈពេលជាង ៣០ ឆ្នាំមកហើយ។ ដូច្នេះថ្នាក់ដឹកនាំតំបន់ Ile-de-France មានបំណងចង់ផ្លាស់ប្តូរបទពិសោធន៍ជាមួយទីក្រុងហាណូយក្នុងការអភិវឌ្ឍសេដ្ឋកិច្ចសង្គមនិងការការពារបរិស្ថានផងដែរ៕
បកប្រែដោយ Thanh Cong