អនុព័ន្ធយោធាកម្ពុជាប្រចាំនៅវៀតណាម បំពេញទស្សនកិច្ចការងារនៅសាលានាយទាហានព័ត៌មាន

ទិដ្ឋភាពនៃកិច្ចពិភាក្សាការងារ

ក្នុងរយៈពេលប៉ុន្មានឆ្នាំកន្លងមក ដោយប្រកាន់ខ្ជាប់នូវខ្លឹមសារ និងកម្មវិធីនៃកិច្ចសហប្រតិបត្តិការរវាងក្រសួងការពារជាតិនៃប្រទេសទាំងពីរ វៀតណាម-កម្ពុជា សាលានាយទាហានព័ត៌មានបានបើកវគ្គបណ្តុះបណ្តាលដល់កងយោធពលខេមរភូមិន្ទចំនួន ១៤ វគ្គ សម្រាប់បណ្តុះបណ្តាលនាយទាហានសេនាធិការផ្នែកព័ត៌មានឧត្តមសិក្សាចំនួន ១២១ នាក់; រៀបចំវគ្គបំពាក់បំប៉នចំនួន ១៤ វគ្គ សម្រាប់មន្ត្រី និងគ្រូបង្រៀនព័ត៌មានចំនួន ២៤២ នាក់ ដែលបានបញ្ចប់ការសិក្សា និងត្រឡប់មករួមចំណែក និងកសាងកងយោធពលខេមរភូមិន្ទ។ ដោយទទួលស្គាល់ការរួមវិភាគទានរបស់សាលានាយទាហានព័ត៌មានក្នុងការកសាងកងយោធពលខេមរភូមិន្ទ និងពូនជ្រំចំណងមិត្តភាពពិសេសរវាងប្រទេសទាំងពីរ វៀតណាម-កម្ពុជា រាជរដ្ឋាភិបាលកម្ពុជាបានប្រគល់គ្រឿងឥស្សរិយយសថ្នាក់សេនា និងគ្រឿងឥស្សរិយយសកិត្តិយសជាច្រើនទៀតជូនសាលា។

គណៈប្រតិភូនៃកងយោធពលខេមរភូមិន្ទ និងថ្នាក់ដឹកនាំសាលានាយទាហានព័ត៌មានបានថតរូបជាអនុស្សាវរីយ៍

នៅក្នុងកិច្ចពិភាក្សាការងារ លោកវរសេនីយ៍ឯក រ៉េម កាន់ និងគណៈប្រតិភូ បានពិភាក្សាជាមួយសាលា ដើម្បីស្វែងយល់អំពីស្ថានភាព និងលទ្ធផលនៃការបណ្តុះបណ្តាល និងការគ្រប់គ្រងសិក្ខាកាមយោធាកម្ពុជា ក្នុងរយៈពេលកន្លងមក និងលើកទិសដៅនាពេលខាងមុខ។ ទន្ទឹមនឹងនោះ គណៈប្រតិភូក៏បានទៅទស្សនាកន្លែងហូបចុក ស្នាក់នៅ សិក្សា និងជួបសំណេះសំណាលជាមួយសិក្ខាកាមកម្ពុជា នៅកងវរសេនាតូចលេខ១៨ សាលានាយទាហានព័ត៌មាន។

មានប្រសាសន៍នៅក្នុងកិច្ចពិភាក្សាការងារ លោកវរសេនីយ៍ឯក រ៉េម កាន់ បានសង្ឃឹមថា នាពេលខាងមុខ ទំនាក់ទំនងរវាងកងទ័ពនៃប្រទេសទាំងពីរនិយាយរួម និងកិច្ចសហប្រតិបត្តិការលើវិស័យអប់រំ បណ្តុះបណ្តាលជាមួយសាលានិយាយដោយឡែក នឹងបន្តអភិវឌ្ឍកាន់តែរឹងមាំ និងមានប្រសិទ្ធភាព រួមចំណែកពូនជ្រំចំណងមិត្តភាពជាបងប្អូន អ្នកជិតខាងឱ្យកាន់តែស្អិតរមួតថែមទៀត ដើម្បីឲ្យជំនាន់ក្រោយថែរក្សា និងអភិវឌ្ឍ៕

បកប្រែដោយ Huyen Trang