លោក To Lam អគ្គលេខាបក្ស ជួបសវនាការជាមួយសម្តេចតេជោ ហ៊ុន សែន ប្រធានគណបក្សប្រជាជនកម្ពុជា

មេដឹកនាំទាំងពីរបានវាយតម្លៃខ្ពស់ចំពោះការអភិវឌ្ឍជាវិជ្ជមាននៃទំនាក់ទំនងទ្វេភាគីនាពេលថ្មីៗនេះលើគ្រប់វិស័យ ហើយក៏បានសង្កត់ធ្ងន់ថា ចំណងសាមគ្គីភាព និងជំនួយទៅវិញទៅមក រវាងគណបក្សទាំងពីរ និងប្រទេសទាំងពីរ គឺជាកត្តាសត្យានុម័តសម្រាប់បុព្វហេតុបដិវត្តន៍ ការកសាង និងការពារមាតុភូមិនៃប្រទេសនីមួយៗ និងជាទ្រព្យសម្បត្តិដ៏មានតម្លៃរបស់ប្រជាជនទាំងពីរ ដែលត្រូវថែរក្សា លើកតម្កើង និងបញ្ជូនបន្តទៅមនុស្សជំនាន់ក្រោយ តាមរយៈការផ្សព្វផ្សាយឃោសនាឱ្យកាន់តែខ្លាំងក្លាអំពីទំនាក់ទំនងប្រវត្តិសាស្ត្រ អត្ថន័យ និងសារៈសំខាន់ជាយុទ្ធសាស្រ្តនៃទំនាក់ទំនងរបស់គណបក្សទាំងពីរ និងប្រពៃណីនៃមិត្តភាព សាមគ្គីភាព និងការលះបង់ជូនគ្នាទៅវិញទៅមករវាងប្រជាជនទាំងពីរ។

លោក To Lam អគ្គលេខាបក្ស ជួបសវនាការជាមួយ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា

មេដឹកនាំទាំងពីរបានឯកភាពបន្តពង្រឹងទំនាក់ទំនងនយោបាយ បង្កើនការផ្លាស់ប្តូរទស្សនកិច្ច និងទំនាក់ទំនងកម្រិតខ្ពស់ ដើម្បីតម្រង់ទិសទំនាក់ទំនងរួមរវាងគណបក្សទាំងពីរ និងប្រទេសទាំងពីរ។ ផ្តោតលើការបង្កើនទំនុកចិត្តផ្នែកនយោបាយ និងការពង្រឹងទំនាក់ទំនងរវាងយុវជនជំនាន់ក្រោយរបស់ប្រទេសទាំងពីរ ដើម្បីទទួលមរតក និងលើកកម្ពស់បន្ថែមទៀតនូវប្រពៃណីនៃសាមគ្គីភាព និងទំនាក់ទំនងជិតស្និទ្ធរវាងប្រទេសទាំងពីរ។ អនុវត្តប្រកបដោយប្រសិទ្ធភាពនូវសេចក្តីសន្និដ្ឋាននៃកិច្ចប្រជុំរវាងការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តវៀតណាម និងគណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា និងកិច្ចប្រជុំកំពូលប្រចាំឆ្នាំរវាងថ្នាក់ដឹកនាំគណបក្សប្រជាជនកម្ពុជា បក្សកុម្មុយនិស្តវៀតណាម និងបក្សប្រជាជនបដិវត្តន៍ឡាវ (ខែកុម្ភៈ ឆ្នាំ២០២៥) ជំរុញយ៉ាងសកម្មការតភ្ជាប់រវាងខឿនសេដ្ឋកិច្ចទាំងពីរ ក្នុងនោះភាគីទាំងពីរទើបតែបានចុះហត្ថលេខាលើកិច្ចព្រមព្រៀងពាណិជ្ជកម្មរយៈពេល ២០២៥-២០២៦ ដោយជឿជាក់ថាទំហំពាណិជ្ជកម្មនឹងសម្រេចបាន ២០ ពាន់លានដុល្លារនាពេលឆាប់ៗនេះ ពង្រឹងកិច្ចសហប្រតិបត្តិការសំខាន់ៗក្នុងវិស័យពាណិជ្ជកម្ម និងវិនិយោគ ជាពិសេសក្នុងបរិបទនៃការអភិវឌ្ឍស្មុគស្មាញជាច្រើនក្នុងស្ថានភាពសេដ្ឋកិច្ចពិភពលោក។

លោក To Lam អគ្គលេខាបក្ស ជួបសវនាការជាមួយ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា

មេដឹកនាំទាំងពីរបានឯកភាពបន្តពង្រឹងកិច្ចសហប្រតិបត្តិការជិតស្និទ្ធលើវិស័យការពារជាតិ - សន្តិសុខ អប់រំ - បណ្តុះបណ្តាល វប្បធម៌ ទេសចរណ៍ សុខាភិបាល ... សមស្របនឹងសក្ដានុពល និងឧត្តមភាពរបស់ប្រទេសនីមួយៗ និងទំនាក់ទំនងរវាងគណបក្សទាំងពីរ និងប្រទេសទាំងពីរ ទន្ទឹមនឹងនោះ ពង្រឹងទំនាក់ទំនងប្រកបដោយប្រសិទ្ធភាពរវាងស្ថាប័នរបស់គណបក្ស រដ្ឋសភា បណ្តាក្រសួង ស្ថាប័ន របស់រដ្ឋាភិបាល រណសិរ្សមាតុភូមិ បណ្តាអង្គមហាជន និងបណ្តាមូលដ្ឋានរវាងប្រទេសទាំងពីរ បង្តើតចំណុចលេចធ្លោក្នុងដំណាក់កាលអភិវឌ្ឍន៍ថ្មី បម្រើផលប្រយោជន៍ជាក់ស្តែងរបស់ប្រជាជននៃប្រទេសទាំងពីរ៕

បកប្រែដោយ Duy Hoan