គណៈប្រតិភូនគរបាលខេត្ត Tra Vinh អញ្ជើញទៅបំពេញទស្សនកិច្ចការងារនៅព្រះរាជាណាចក្រកម្ពុជា

គណៈប្រតិភូបានអញ្ជើញទៅបំពេញទស្សនកិច្ចការងារនៅបញ្ជាការដ្ឋានអង្គរក្ស នៃកងយោធពលខេមរភូមិន្ទ។ នៅក្នុងជំនួប​នេះ ថ្នាក់ដឹកនាំគណៈប្រតិភូនគរបាលខេត្ត Tra Vinh​ បានជម្រាបជូនអំពីលទ្ធផលនៃស្ថានភាពសេដ្ឋកិច្ច វប្បធម៌ សន្តិសុខសង្គម សន្តិសុខ និងសណ្តាប់ធ្នាប់ ទន្ទឹមនឹងនោះ សង្កត់ធ្ងន់ថា នាពេលថ្មីៗនេះ ទំនាក់ទំនងរវាងបញ្ជាការដ្ឋានអង្គរក្ស នៃកងយោធពលខេមរភូមិន្ទ និងនគរបាលខេត្ត Tra Vinh ត្រូវបានពង្រឹង និងពង្រីកជានិច្ច។

គណៈប្រតិភូនគរបាលខេត្ត Tra Vinh អញ្ជើញបំពេញទស្សនកិច្ចការងារនៅបញ្ជាការដ្ឋានអង្គរក្សកម្ពុជា (រូប​ថត៖ baotravinh.vn)

គណៈប្រតិភូបានអញ្ជើញបំពេញទស្សនកិច្ចការងារនៅគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សកម្ពុជាដើម្បី​អនុវត្តកម្មវិធីសំរបសំរួលកិច្ចសហប្រតិបត្តិការ​រវាង​ភាគីទាំង​ពីរ។ ព្រមទាំងបានជួបពិភាក្សាការងារជាមួយអគ្គនាយកដ្ឋានអន្តោប្រវេសន៍កម្ពុជាលើបញ្ហាធានាផ្លូវច្បាប់សម្រាប់ប្រជាជនដើមកំណើតវៀតណាមនៅកម្ពុជា។ នៅក្នុងជំនួបទាំងនេះ ថ្នាក់ដឹកនាំ នៃភាគីទាំងពីរបានទទួលស្គាល់ការអភិវឌ្ឍដ៏ល្អនៃទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យរវាងវៀតណាម និងកម្ពុជា ដែលកាន់តែមាន​ការ​រីកចម្រើនយ៉ាងខ្លាំងក្លា។

គណៈប្រតិភូនគរបាលខេត្ត Tra Vinh ជាមួយគណៈកម្មាធិការជាតិ ប្រយុទ្ធប្រឆាំងអំពើជួញដូរមនុស្សកម្ពុជា (រូប​ថត៖ baotravinh.vn)

ក្នុង​ឱកាសនេះដែរ គណៈប្រតិភូនគរបាលខេត្ត Tra Vinh ក៏បានអញ្ជើញមកបំពេញទស្សនកិច្ចការងារនៅសមាគមខ្មែ-វៀតណាមនៅកម្ពុជាផងដែរ៕

បកប្រែដោយ Pham Diep