ខេត្ត An Giang៖ ក្រុមប្រមូលអដ្ឋិធាតុយុទ្ធជនពលីចេញដំណើរទៅបំពេញភារកិច្ចនៅប្រទេសកម្ពុជា

លោកវរសេនីយ៍ឯក Cao Minh Tam អនុប្រធាននយោបាយ នៃបញ្ជាការដ្ឋានយោធាខេត្ត An Giang មានប្រសាសន៍ក្នុងកិច្ចប្រជុំ

តាមផែនការ នាព្រឹកថ្ងៃទី ២៨ ខែតុលា គណៈកម្មាធិការដឹកនាំលេខ ៥១៥ ខេត្ត An Giang បានសម្របសម្រួលជាមួយគណៈកម្មាធិការដឹកនាំលេខ ៥១៥ យោធភូមិភាគទី ៩ រៀបចំពិធីដាក់កម្រងផ្កា និងអុជធូប នៅទីបញ្ចុះសពយុទ្ធជនពលី Doc Ba Dac (សង្កាត់ Thoi Son ខេត្ត An Giang)។ បន្ទាប់មក រៀបចំពិធីចេញដំណើរ ប្រគល់ភារកិច្ចឱ្យបណ្តាក្រុមប្រមូលអដ្ឋិធាតុយុទ្ធជនពលី ដែលបានពលីជីវិតនៅកម្ពុជា ដំណាក់កាលទី XXV (រដូវប្រាំង ២០២៥ - ២០២៦) នៅទីបញ្ជាការ​ក្រុម K90។

គណៈកម្មាធិការដឹកនាំលេខ ៥១៥ ខេត្ត An Giang ស្នើឱ្យស្ថាប័នពាក់ព័ន្ធ អង្គភាព និងមូលដ្ឋាននានា តាមតួនាទី និងភារកិច្ចដែលបានប្រគល់ជូន ត្រូវសម្របសម្រួល សហការយ៉ាងជិតស្និទ្ធ និងត្រៀមគ្រប់លក្ខណៈដើម្បីឲ្យពិធីនេះប្រព្រឹត្តទៅយ៉ាងឱឡារិកប្រកបដោយសុវត្ថិភាព បង្កើតការចាប់អារម្មណ៍យ៉ាងជ្រាលជ្រៅចំពោះកម្មាភិបាល យុទ្ធជន និងប្រជាជន៕

បកប្រែដោយ Duy Hoan