ជូនសម្ភារៈការិយាល័យដល់កងទ័ពជើងទឹក នៃកងយោធពលខេមរភូមិន្ទ
កប.អនឡាញ - នាព្រឹកថ្ងៃទី១០ មករា នៅច្រកទ្វារព្រំដែនអន្តរជាតិម៉ុកបៃ ខេត្ត Tay Ninh ដោយបានផ្ទេរសិទ្ធិពីបញ្ជាការដ្ឋានកងទ័ពជើងទឹកប្រជាជនវៀតណាម តំបន់លេខ៥ នៃកងទ័ពជើងទឹកប្រជាជនវៀតណាម បានរៀបចំពិធីជូនសម្ភារៈការិយាល័យដល់កងទ័ពជើងទឹក កងយោធពលខេមរភូមិន្ទ។
ថ្លែងក្នុងពិធី លោកឧត្តមនាវីត្រី Nguyen Duy Ty មេបញ្ជាការតំបន់លេខ ៥ នៃកងទ័ពជើងទឹកប្រជាជនវៀតណាម រំពឹងថា សម្ភារៈការិយាល័យទាំងនេះនឹងចូលរួមចំណែកជួយកងទ័ពជើងទឹក កងយោធពលខេមរភូមិន្ទ លើកកម្ពស់គុណភាព ប្រសិទ្ធភាពនៃការងារ និងបំពេញល្អភារកិច្ចដែលត្រូវបានប្រគល់ជូន។ តាមរយៈនោះ បន្តរឹតបន្តឹងទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការល្អប្រសើររវាងកងទ័ពជើងទឹកនៃប្រទេសទាំងពីរ។
    |
 |
|
លោកឧត្តមនាវីត្រី Nguyen Duy Ty ជូនសម្ភារៈការិយាល័យដល់កងទ័ពជើងទឹក នៃកងយោធពលខេមរភូមិន្ទ (រូបថត៖ baohaiquanvietnam.vn) |
លោកអនុប្រធានសេនាធិការនៃកងទ័ពជើងទឹក កងយោធពលខេមរភូមិន្ទ បានថ្លែងអំណរគុណចំពោះជំនួយដែលកងទ័ពជើងទឹកប្រជាជនវៀតណាមជូនដល់កងទ័ពជើងទឹកកងយោធពលខេមរភូមិន្ទ ព្រមទាំងឲ្យដឹងថា នឹងប្រគល់សម្ភារៈការិយាល័យទាំងនេះដល់ការិយាល័យយាមល្បាតរួមរបស់កងទ័ពជើងទឹក កងយោធពលខេមរភូមិន្ទ។
ក្នុងឱកាសនេះ តំបន់លេខ៥ នៃកងទ័ពជើងទឹកប្រជាជនវៀតណាម ក៏បានជូនអំណោយផ្សេងៗដល់កងទ័ពជើងទឹក កងយោធពលខេមរភូមិន្ទ៕
បកប្រែដោយ Thanh Cong