សម្ពោធផ្ទះសហគមន៍សម្រាប់ប្រជាជនដើមកំណើតវៀតណាមនៅខេត្តកំពត
កប.អនឡាញ - នៅថ្ងៃទី ២៦ ខែឧសភា បន្ទាប់ពីសាងសង់អស់រយៈពេលជាង ៤ ខែ ផ្ទះសហគមន៍សម្រាប់ប្រជាជនដើមកំណើតវៀតណាមនៅខេត្តកំពតត្រូវបានសម្ពោធដាក់ឲ្យប្រើប្រាស់។
|
|
កាត់ខ្សែបូសម្ពោធផ្ទះសហគមន៍សម្រាប់ប្រជាជនដើមកំណើតវៀតណាមនៅខេត្តកំពត (រូបថត៖ vnanet.vn) |
ដោយមានថវិកាសាងសង់សរុបប្រមាណ ២៥,០០០ ដុល្លារអាមេរិក ផ្ទះសហគមន៍នៅលើទំហំ ៧៥០ ម៉ែត្រការ៉េ ស្ថិតនៅភូមិតាអង្គ សង្កាត់ត្រើយកោះ ក្រុងកំពត នឹងជាកន្លែងសម្រាប់ប្រជាជនផ្លាស់ប្តូរ រៀបចំសកម្មភាពសហគមន៍ សកម្មភាពមនុស្សធ៌ម និងបើកថ្នាក់រៀនដើម្បីបង្រៀនភាសាវៀតណាម និងភាសាខ្មែរសម្រាប់កុមារ ក្នុងបំណងរក្សាអត្តសញ្ញាណជាតិ និងរួមចំណែកក្នុងការអភិវឌ្ឍសេដ្ឋកិច្ចសង្គមនៃប្រទេសសាមី។
ពិធីសម្ពោធនេះត្រូវបានធ្វើឡើងដោយអនុវត្តយ៉ាងម៉ឹងម៉ាត់តាមបទប្បញ្ញត្តិរបស់ក្រសួងសុខាភិបាលកម្ពុជាស្តីពីការប្រយុទ្ធប្រឆាំងនឹងជំងឺរាតត្បាត។ អញ្ជើញចូលរួមក្នុងពិធីនេះ មានតំណាងគណៈកម្មាធិការសមាគមខ្មែរ - វៀតណាមខេត្តកំពត; អគ្គកុងស៊ុលវៀតណាមប្រចាំនៅខេត្តព្រះសីហនុ លោក Vu Ngoc Ly តំណាងអាជ្ញាធរដែនដី និងសប្បុរសជនដើមកំណើតវៀតណាម។
ថ្លែងនៅក្នុងព្រឹត្តិការណ៍នេះ លោកអគ្គកុងស៊ុល Vu Ngoc Ly បានវាយតម្លៃថានេះគឺជាព្រឹត្តិការណ៍ដ៏អស្ចារ្យសម្រាប់សហគមន៍ប្រជាជនដើមកំណើតវៀតណាមបន្ទាប់ពីច្រើនឆ្នាំមកហើយមិនមានកន្លែងរៀបចំព្រឹត្តិការណ៍សហគមន៍ទេ ឥឡូវនេះបានមានលក្ខខណ្ឌល្អប្រសើរជាងមុនហើយ ដោយអាចជួបជុំ ចែករំលែក រស់នៅដោយជិតស្និទ្ធជាមួយគ្នានៅក្នុងប្រទេសមិត្ត ជួយសើកកំពស់កិត្យានុភាពរបស់ប្រជាជនដើមកំណើតវៀតណាមនៅកម្ពុជា៕
បកប្រែដោយ Duy Hoan