សមាគមពុទ្ធសាសនាវៀតណាមជូនអំណោយដល់ព្រះសង្ឃកម្ពុជា ដែលកំពុងជួបការលំបាកដោយសារជំងឺ Covid-19
កប.អនឡាញ - ក្រុមប្រឹក្សាភិបាលនៃសមាគមពុទ្ធសាសនាវៀតណាម និងក្រុមប្រឹក្សាភិបាលនៃសមាគមពុទ្ធសាសនាទីក្រុងហូជីមិញ បានជូន ២៥០ លានដុងដល់សម្ដេចព្រះមហាសង្ឃរាជ ទេព វង្ស និងព្រះសង្ឃនៃព្រះរាជាណាចក្រកម្ពុជា។
នារសៀលថ្ងៃទី២៩ មេសា ទទួលសិទ្ធពីសមាគមពុទ្ធសាសនាវៀតណាម លោក Vu Quang Minh ឯកអគ្គរដ្ឋទូតវៀតណាមប្រចាំព្រះរាជាណាចក្រកម្ពុជា បានជូនអំណោយពោលខាងលើដល់សម្ដេចព្រះមហាសង្ឃរាជ ទេព វង្ស នៅវត្តឧណ្ណាលោម រាជធានីភ្នំពេញ។
|
|
សម្ដេចព្រះមហាសង្ឃរាជ ទេព វង្ស នៅពិធីទទួលអំណោយ (រូបថត៖ nhandan.com.vn) |
ក្នុងសារជូនសម្ដេចព្រះមហាសង្ឃរាជ ទេព វង្ស នាថ្ងៃទី២៧ មេសា ព្រះតេជគុណ Thich Duc Thien អនុប្រធាន អគ្គលេខាធិការក្រុមប្រឹក្សាភិបាលនៃសមាគមពុទ្ធសាសនាវៀតណាម បានសួរសុខទុក្ខសម្ដេចព្រះមហាសង្ឃរាជ ទេព វង្ស ក្នុងបរិបទនៃជំងឺ Covid-19 ផ្ទុះឡើង បណ្ដាលឲ្យជីវភាពរស់នៅរបស់ព្រះសង្ឃនៅកម្ពុជាជួបការលំបាកខ្លាំង។
*នារសៀលថ្ងៃដដែល លោក Vu Quang Minh បានជូនទឹកបា្រក់ចំនួន ២៥០ លានដុងរបស់ក្រុមប្រឹក្សាភិបាលនៃសមាគមពុទ្ធសាសនាវៀតណាមដល់លោក Chau Van Chi ប្រធានសមាគមខ្មែរ-វៀតណាមនៅកម្ពុជា ដើម្បីជួយប្រជាជនដើមកំណើតវៀតណាមជួបការលំបាកដោយសារជំងឺរាតត្បាត។
*នាព្រឹកថ្ងៃទី២៩ មេសា ក្រុមបេសកកម្មរបស់ស្ថានអគ្គកុងស៊ុលវៀតណាមប្រចាំខេត្តព្រះសីហនុ ដឹកនាំដោយលោក Vu Ngoc Ly អគ្គកុងស៊ុល បានទៅក្រុងច្បារមន ខេត្តកំពង់ស្ពឺ ដើម្បីជូនអំណោយដល់ក្រុមគ្រួសារដើមកំណើតវៀតណាមក្រីក្រដែលកំពុងជួបការលំបាកដោយសារជំងឺ Covid-19។ ស្ថានអគ្គកុងស៊ុលវៀតណាមបានជូនអំណោយដល់ក្រុមគ្រួសារដើមកំណើតវៀតណាម ១០៦ គ្រួសារ និងក្រុមគ្រួសារកម្ពុជា ៥០ គ្រួសារ៕
បកប្រែដោយ Thuy Anh