ស្ថានអគ្គកុងស៊ុលវៀតណាម ប្រចាំខេត្តព្រះសីហនុ ជួយឧប្បត្ថម្ភដល់ជនរងគ្រោះដោយទឹកជំនន់
កប.អនឡាញ - យោងតាមការអំពាវនាវពីគណៈកម្មាធិការសមាគមខ្មែរ - វៀតណាមនៅខេត្ដកំពង់ស្ពឺ នាព្រឹកថ្ងៃទី ១៥ ខែតុលា គណៈប្រតិភូស្ថានអគ្គកុងស៊ុលវៀតណាមប្រចាំខេត្តព្រះសីហនុ ដឹកនាំដោយលោក Vu Ngoc Ly អគ្គកុងស៊ុលវៀតណាមប្រចាំនៅខេត្តព្រះសីហនុ បានចុះសួរសុខទុក្ខនិងប្រគល់អំណោយជូនអាណិកជនវៀតណាមដែលកំពុងរងគ្រោះដោយទឹកជំនន់នៅខេត្តកំពង់ស្ពឺ។
|
|
លោក អគ្គកុងស៊ុល Vu Ngoc Ly ចុះសួរសុខទុក្ខ និងលើកទឹកចិត្តអាណិកជនវៀតណាម |
ក្នុងឱកាសនេះ គណៈប្រតិភូអគ្គកុងស៊ុលវៀតណាមបានប្រគល់អំណោយជូនអាណិកជនវៀតណាមនិងជនជាតិកម្ពុជាចំនួន ១៥០ កញ្ចប់ក្នុងកញ្ចប់់មួយរួមមានអង្ករ ១០ គីឡូក្រាម ប្រេងឆា ០១ ដប ទឹកស៊ីអ៊ីវ ០១ ដប .....។
អំណោយទាំងនេះត្រូវបានរៃអង្គាសពីកម្មាភិបាលនិងបុគ្គលិកនៃស្ថានអគ្គកុងស៊ុល មូលនិធិជំនួយនៃសមាគមន៍វៀតណាមនៅកម្ពុជានិងក្រុមហ៊ុនមិត្ដហ្វូននៅខេត្ដកំពង់ស្ពឺ ខេត្តព្រះសីហនុ រួមទាំងសប្បុរសជនវៀតណាមនៅខេត្ដកំពតនិងខេត្ដកោះកុងទៀតផង។
សូមបញ្ជាក់ថា ក្នុងរយៈពេល ២ ថ្ងៃ ពីថ្ងៃទី ១៣ ដល់ថ្ងៃទី១៤ ខែតុលា មានភ្លៀងធ្លាក់ខ្លាំងជាប់ៗគ្នាដែលធ្វើឱ្យបាក់ទំនប់ចំនួន ២ នៅក្នុងខេត្តកំពង់ស្ពឺ ដែលបណ្ដាលឱ្យខេត្តនេះកើតមានទឹកជំនន់យ៉ាងធ្ងន់ធ្ងរ៕
បកប្រែដោយ Pham Diep