ជំនួយបន្ទាន់សម្រាប់គ្រួសារមានដើមកំណើតវៀតណាមនៅប្រទេសកម្ពុជាដែលជួបការលំបាកដោយសាររោគរាតត្បាត COVID-19
កប.អនឡាញ - យោងតាមទីភ្នាក់ងារសារព័ត៌មានវៀតណាមប្រចាំនៅរាជធានីភ្នំពេញបានឱ្យដឹងថា នៅព្រឹកថ្ងៃទី ៥ ខែកញ្ញា អំណោយចំនួន ២០០ កញ្ចប់ រួមមានអង្ករ ម៉ាស់ ទឹកលាងដៃសំលាប់មេរោគ ... ត្រូវបានប្រគល់ជូនគ្រួសារមានដើមកំណើតវៀតណាម និងជនជាតិខ្មែរដែលកំពុងជួបការលំបាក ដោយសារការរីករាលដាលនៃជំងឺ COVID-19 និងរដូវវស្សាឆ្នាំ ២០២០ ។
|
|
លោក Vu Quang Minh ឯកអគ្គរដ្ឋទូតវៀតណាមប្រចាំនៅកម្ពុជាប្រគល់អណោយដល់ជនមានដើមកំណើតវៀតណាម និងជនជាតិខ្មែរជួបការលំបាកដោយសារជំងឺ COVID-19 (រូបថត៖ vnanet.vn) |
កញ្ចប់អំណោយនីមួយៗរួមមាន អង្ករ ២០ គីឡូក្រាម ម៉ាស់ ទឹកលាងដៃលាប់មេរោគ កន្ទេលប្លាស្ទិច ... យោងតាមប្រធានសមាគមខ្មែរ - វៀតណាម នៅកម្ពុជាលោក Sim Chy បានឲ្យដឹងថា រហូតមកដល់ពេលនេះមានគ្រួសារប្រមាណ ៥,០០០ គ្រួសារដែលមានដើមកំណើតវៀតណាមទទួលបានការជួយឧបត្ថម្ភដើម្បីជំនះការលំបាកក្នុងជីវភាពរស់នៅនិងការរកស៊ីចិញ្ចឹមជីវិតដោយសារផលប៉ះពាល់នៃការរីករាលដាលនៃ COVID-19 ។
ក្នុងឱកាសនេះ ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh បានវាយតម្លៃខ្ពស់ចំពោះការខិតខំប្រឹងប្រែងពុះពាជំនះការលំបាករបស់សហគមន៍វៀតណាម។ លោកឯកអគ្គរដ្ឋទូតបាននិយាយថា មនុស្សម្នាក់ៗត្រូវតែថែរក្សាសុខភាពផ្ទាល់ខ្លួនឲ្យបានល្អ ខិតខំនិងចលនាបងប្អូនផ្តោតទៅលើការទប់ស្កាត់ការរីករាលដាលនៃ COVID-19។
គួររំលឹកថា តាំងពីដើមឆ្នាំ ២០២០ ថ្នាក់ដឹកនាំស្ថានទូតវៀតណាម សមាគមខ្មែរ - វៀតណាមប្រចាំនៅកម្ពុជា និងស្ថានអគ្គកុងស៊ុល វៀតណាមប្រចាំនៅខេត្តព្រះសីហនុនិងខេត្តបាត់ដំបងបានខិតខំប្រឹងប្រែងនិងអំពាវនាវឲ្យសហគ្រាស អង្គភាព និងសប្បុរសជនក្នុងប្រទេសជួយឧបត្ថម្ភដល់ជនមានដើមកំណើតវៀតណាមនៅកម្ពុជាដើម្បីជំនះការលំបាកដោយសារជំងឺ COVID-19៕
បកប្រែដោយ Pham Diep