វៀតណាម - កម្ពុជារៀបចំសមយុទ្ធជួយសង្គ្រោះគ្រោះមហន្ដរាយធម្មជាតិនៅតាមតំបន់ព្រំដែនគោក
កប.អនឡាញ - នាព្រឹកថ្ងៃទី ១៣ ខែធ្នូ បញ្ជាការដ្ឋានយោធភូមិភាគទី ៧ កងទ័ពប្រជាជនវៀតណាមបានរៀបចំកិច្ចប្រជុំដើម្បីផ្តល់ព័ត៌មានដល់សារព័ត៌មានស្តីពីការរៀបចំសមយុទ្ធជួយសង្គ្រោះគ្រោះមហន្ដរាយធម្មជាតិនៅតាមតំបន់ព្រំដែនគោកដែលរៀបចំដោយក្រសួងការពារប្រទេសវៀតណាមនិងក្រសួងការពារជាតិកម្ពុជាឆ្នាំ ២០១៩។
ការធ្វើសមយុទ្ធជួយសង្គ្រោះគ្រោះមហន្ដរាយធម្មជាតិនឹងប្រព្រឹត្តទៅនាព្រឹកថ្ងៃទី ១៨ ខែធ្នូខាងមុខនេះ នៅឃុំទួលស្ដី ស្រុកចន្ទ្រា ខេត្តស្វាយរៀង ដោយមានការចូលរួមពីកម្លាំងប្រមាណ ៨០០ នាក់។ ខ្លឹមសារនៃការធ្វើសមយុទ្ធរួមមាន៖ បង្កើតនូវទីបញ្ជាការចម្រុះធ្វើការជួយសង្រ្គោះនិងឆ្លើយតបជាបន្ទាន់នឹងឧប្បត្តិហេតុនៃសារធាតុគីមីពុល។ ក្នុងឱកាសនេះ គណៈកម្មាធិការរៀបចំនឹងបើកសម្ពោធដាក់ឲ្យប្រើប្រាស់ជាផ្លូវការនិងប្រគល់គិលានុបដ្ឋានសម្រាប់កងទ័ពនិងប្រជាជនមកពិនិត្យសុខភាពជូនស្រុកចន្ទ្រា ព្រមទាំងដំឡើងបរិក្ខាពេទ្យ ក៏ដូចជាផ្ដល់អំណោយដល់ប្រជាជនកម្ពុជា....។
នេះជាការធ្វើសមយុទ្ធជួយសង្គ្រោះគ្រោះមហន្ដរាយធម្មជាតិជាលើកដំដូងនៅតាមតំបន់ព្រំដែនគោក ដោយយោងតាមពិធីសារស្តីពីកិច្ចសហប្រតិបត្តិការក្នុងការជួយសង្គ្រោះគ្រោះមហន្តរាយអចិន្ត្រៃយ៍នៅតាមតំបន់ព្រំដែនគោករវាងប្រទេសទាំងពីរនិងបទបញ្ញត្តិស្តីពីការសម្របសម្រួលលើការជួយសង្គ្រោះគ្រោះមហន្តរាយរវាងបណ្ដាមូលដ្ឋាននៅតាមតំបន់ព្រំដែនគោកវៀតណាម-កម្ពុជា។ តាមរយៈការធ្វើសមយុទ្ធនេះ រួមចំណែកពង្រឹងនិងពង្រីកទំនាក់ទំនងមិត្ដភាពជាប្រពៃណីសាមគ្គីភាពកិច្ចសហប្រតិបត្តិការនិងជួយគ្នាទៅវិញទៅមករវាងកងទ័ពនិងប្រជាជននៃប្រទេសទាំងពីរ៕
បកប្រែដោយ Pham Diep