មានប្រសាសន៍នៅពិធីនេះ លោកវរសេនីយ៍ឯក Nguyen Ba Hoa នាយករងបណ្ឌិតសភាការពារព្រំដែនវៀតណាម បានអះអាងថា ក្នុងរយៈពេល ៤ ឆ្នាំ ដែលសិក្សារៀនសូត្រនៅបណ្ឌិតសភាការពារព្រំដែន សិក្ខាកាមទាំងឡាយបានមានចំណេះដឹងទូទៅអំពីវិស័យនយោបាយ យោធា ច្បាប់ ជំនាញវិជ្ជាជីវៈ ក្បាច់គុន និងការបើកបរជាដើម។ ទន្ទឹមនឹងនោះ សិក្ខាកាមទាំងឡាយក៏បានលើកកម្ពស់សមត្ថភាពនយោបាយ ការដឹកនាំ និងការគ្រប់គ្រងអង្គភាព ដើម្បីប្រែក្លាយខ្លួនទៅជាកម្មាភិបាលល្អរបស់កងកម្លាំងនគរបាលប្រជាជនវៀតណាម និងកងកម្លាំងគ្រប់គ្រងការពារព្រំដែនឡាវ និងកម្ពុជា។
ក្រោយពីបញ្ចប់ការសិក្សា សិក្ខាកាមវៀតណាម ត្រៀមជាស្រេចបំពេញល្អរាល់ភារកិច្ច ក្នុងការការពារសន្តិសុខ សណ្តាប់ធ្នាប់ ការពារបក្ស រដ្ឋ និងប្រជាជន។
ចំណែកសិក្ខាកាមឡាវ និងកម្ពុជានឹងត្រឡប់ទៅប្រទេសវិញ និងត្រៀមជាស្រេចបំពេញរាល់ភារកិច្ច។ អំឡុងពេលសិក្សា និងហាត់ពត់នៅបណ្ឌិសភាការពារព្រំដែន សិក្ខាកាមទាំងឡាយបានបញ្ជាក់ពីទំនាក់ទំនងសាមគ្គីភាពពិសេស និងមនោសញ្ចេតនាដ៏ជិតស្និទ្ធ រួមចំណែកពួតដៃជាមួយប្រជាជននៅតំបន់ព្រំដែននៃប្រទេសទាំង ៣ កសាងខ្សែព្រំដែនប្រកបដោយសន្តិភាព ស្ថិរភាព និងអភិវឌ្ឍន៍៕
បកប្រែដោយ Huyen Trang
Type the code from the image