ពិធីសំណេះសំណាលរំលឹកខួបលើកទី៤០ នៃការបង្កើតរណសិរ្ស ៤៧៩
កប.អនឡាញ - នៅថ្ងៃទី ១៤ ខែមេសា សមាគមមិត្តភាពវៀតណាម - កម្ពុជា អតីតកងទ័ពស្ម័គ្រចិត្តរណសិរ្ស៤៧៩ នៅទីក្រុងហាណូយ បានជួបជុំគ្នាដើម្បីរំលឹកខួបលើកទី ៤០ នៃការបង្កើតរណសិរ្ស ៤៧៩ និងរួមជាមួយកងទ័ព និងប្រជាជនកម្ពុជាវាយផ្តួលរំលំរបបប្រល័យពូជសាសន៍ (១៤ មេសា ១៩៧៩ - ១៤ មេសា ២០១៩) ។
ក្នុងរយៈពេល ១០ ឆ្នាំប្រយុទ្ធនៅប្រទេសកម្ពុជា (១៨៧៩-១៩៨៩) កម្មាភិបាល យុទ្ធជន នៃរណសិរ្ស ៤៧៩ បានយកឈ្នះលើរាល់ការលំបាក សម្រេចបានជោគជ័យលើគ្រប់ភារកិច្ចដែលបានប្រគល់ឲ្យ។
|
|
អតីតកងទ័ពស្ម័គ្រចិត្តរណសិរ្ស៤៧៩ ថតរូបជាអនុស្សាវរីយ៍ (រូបថត៖ vnanet.vn) |
នៅឯពិធីនេះ អតីតយុទ្ធជននៃរណសិរ្ស៤៧៩ បានរំលឹកឡើងវិញនូវអនុស្សាវរីយ៍ រួមទាំងការដឹងគុណចំពោះយុទ្ធមិត្តដែលបានពលីជិវិតនៅប្រទេសមិត្ត បំពេញកាតព្វកិច្ចអន្តរជាតិដ៏ឧត្តុងឧត្តម ជួយឱ្យប្រទេសកម្ពុជារួចផុតពីរបបប្រល័យពូជសាសន៍។ អតីតយុទ្ធជនក៏បានលើកទឹកចិត្តគ្នាឲ្យរក្សាសេចក្តីថ្លៃថ្នូររបស់កងទ័ព ហើយរក្សា និងលើកកំពស់ប្រពៃណី និងចំណងសាមគ្គីភាពវៀតណាម - កម្ពុជា។
ក្នុងឱកាសនេះដែរ អតីតកងទ័ពស្ម័គ្រចិត្តនៃរណសិរ្ស៤៧៩ នៅទីក្រុងហាណូយបានផ្តល់អំណោយចំនួន ១០០ ជូនវីរៈអ្នកម្តាយវៀតណាម យុទ្ធជនពិការ សាច់ញាតិនៃយុទ្ធជនពលី សមាជិកដែលជួបការលំបាក រួមទាំងនិស្សិតកម្ពុជាដែលកំពុងសិក្សារៀនសូត្រនៅវៀតណាមផងដែរ៕
បកប្រែដោយ Duy Hoan