ការយាមល្បាតការពារសន្តិសុខ និងសណ្តាប់ធ្នាប់នៅតំបន់ព្រំដែនវៀតណាម-ឡាវ

ក្រុមយាមល្បាតបានអនុវត្តសកម្មភាពដែលបានគ្រោងទុកទាំងអស់យ៉ាងពេញលេញ ដោយផ្តោតលើការត្រួតពិនិត្យខ្សែបន្ទាត់ព្រំដែន ស្ថានភាពបង្គោលព្រំដែន និងប្រកាន់ខ្ជាប់ស្ថានភាពក្នុងមូលដ្ឋាន ដើម្បីរកឃើញ និងទប់ស្កាត់សកម្មភាពរំលោភលើអធិបតេយ្យភាពទឹកដី និងការរំលោភលើបទប្បញ្ញត្តិព្រំដែនជាបន្ទាន់។ តាមរយៈការត្រួតពិនិត្យនៅនឹងកន្លែង ស្ថានភាពដើមនៃខ្សែបន្ទាត់ព្រំដែន និងប្រព័ន្ធបង្គោលព្រំដែនត្រូវបានរក្សា ហើយមានសុវត្ថិភាព មិនមានការរំលោភបំពានណាមួយត្រូវបានរកឃើញទេ។

ក្រុមយាមល្បាតគោរពបង្គោលព្រំដែននៃមាតុភូមិ

ក្រៅពីភារកិច្ចយាមល្បាត កងកម្លាំងដែលចូលរួមក៏បានជួសជុលកំណាត់ផ្លូវយាមល្បាតមួយចំនួនដែលរងការខូចខាតដោយការរអិលបាក់ដីដែលបណ្តាលមកពីភ្លៀងធ្លាក់ខ្លាំងពីមុន រៀបចំការឈូសឆាយរុក្ខជាតិតាមបណ្តោយព្រំដែន និងជុំវិញបង្គោលព្រំដែនជាតិ ដែលបង្កើតលក្ខខណ្ឌអំណោយផលសម្រាប់ការគ្រប់គ្រង និងការពារព្រំដែនរយៈពេលវែង។ ទោះបីជាស្ថានភាពអាកាសធាតុមិនអំណោយផល និងដីភ្នំរដិបរដុបក៏ដោយ កម្មាភិបាល និងយុទ្ធជននៃអង្គភាព និងកម្លាំងសេនាជនមូលដ្ឋានបានលើកកម្ពស់ស្មារតីទទួលខុសត្រូវ សាមគ្គីភាព សម្របសម្រួលយ៉ាងជិតស្និទ្ធ និងបំពេញភារកិច្ចដែលបានប្រគល់ឲ្យដោយជោគជ័យ៕

បកប្រែដោយ Huyen Trang