វៀតណាម - ចិន - ឡាវ៖ កិច្ចសហប្រតិបត្តិការក្នុងអនុវត្តច្បាប់នៅតំបន់ព្រំដែន
កប.អនឡាញ - នាពេលថ្មីៗនេះ នៅស្រុក Jiang Cheng ទីក្រុង Pu er ខេត្ត Yunnan ប្រទេសចិន ក្រុមគ្រប់គ្រងព្រំដែន Pu er ស្ថានីយ៍ត្រួតពិនិត្យការពារព្រំដែន ការឆ្លងដែន Mang Kang (ប្រទេសចិន) គណៈបញ្ជាការដ្ឋានកងទ័ពការពារព្រំដែនខេត្ត Dien Bien (ប្រទេសវៀតណាម) និងនគរបាលខេត្ត Phongsaly (ប្រទេសឡាវ) បានដាក់ឲ្យដំណើរការជាផ្លូវការនូវ "យន្តការសហប្រតិបត្តិការក្នុងការអនុវត្តច្បាប់នៅក្នុងតំបន់ត្រីកោណបៃតង និងតំបន់ព្រំដែន ចិន - ឡាវ - វៀតណាម"។
យោងតាមកិច្ចព្រមព្រៀង យន្តការសហប្រតិបត្តិការនេះផ្អែកលើគោលការណ៍សមភាពនៃអធិបតេយ្យភាព ការគោរពយុត្តាធិការរបស់គ្នាទៅវិញទៅមក កិច្ចសហប្រតិបត្តិការប្រកបដោយជាក់ស្ដែង និងប្រសិទ្ធភាព និងការជួយគាំទ្រគ្នាទៅវិញទៅមក។
    |
 |
|
តំណាងនៃភាគីទាំងបីចុះហត្ថលេខាលើអនុស្សរណៈនៃការយោគយល់គ្នាស្តីពីយន្តការសហប្រតិបត្តិការក្នុងការអនុវត្តច្បាប់នៅក្នុងតំបន់ "ត្រីកោណបៃតង" និងតំបន់ព្រំដែនរវាងប្រទេសទាំងបី ចិន-ឡាវ-វៀតណាម (រូបថត៖ nhandan.vn) |
ភាគីទាំងឡាយបានឯកភាពអនុវត្តខ្លឹមសារសហប្រតិបត្តិការជាច្រើន រួមមាន៖ ការបង្កើតយន្តការសន្ទនាដែលរៀបចំរៀងរាល់ពីរឆ្នាំម្តង ពង្រឹងការគ្រប់គ្រងរួមនៅតំបន់សំខាន់ៗ និងអនុវត្តវិធានការការពារសន្តិសុខដោយទាន់វេលាក្នុងពិធីបុណ្យ និងព្រឹត្តិការណ៍នយោបាយសំខាន់ៗនៅក្នុងប្រទេសនីមួយៗ។
ជាពិសេស យន្តការនេះជម្រុញកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន។ ភាគីទាំងបីនឹងផ្តោតលើការផ្លាស់ប្តូរព័ត៌មាន ការសហការប្រយុទ្ធប្រឆាំងនឹងសកម្មភាពខុសច្បាប់។ ទន្ទឹមនឹងនោះ ការយាមល្បាតរួម ការផ្សព្វផ្សាយច្បាប់ទ្វេភាគីជាភាសាពីរ និងការបណ្តុះបណ្តាលវិជ្ជាជីវៈក៏នឹងត្រូវបានពង្រឹងផងដែរ៕
បកប្រែដោយ Thanh Cong