បង្កើតប្រភពធនធានសម្រាប់កោះ Hon Khoai កាន់តែរីកចម្រើន និងរឹងមាំ

នៅកោះ Hon Khoai លោកនាយឧត្តមសេនីយ៍ Phan Van Giang និងគណៈប្រតិភូបានចុះទៅទីតាំងសាងសង់សំណង់ហេដ្ឋារចនាសម្ព័ន្ធ។ លោកបានសិក្សាភូមិសាស្ត្រ និងស្តាប់របាយការណ៍របស់នាយកដ្ឋានផែនការ និងវិនិយោគ ក៏ដូចជាស្ថាប័នមានសមត្ថកិច្ច និងអង្គភាពពាក់ព័ន្ធរាយការណ៍អំពីផែនការសាងសង់នៃគម្រោង លើកឡើងការលំបាក និងឧបសគ្គក្នុងដំណើរការអនុវត្ត។

លោកនាយឧត្តមសេនីយ៍ Phan Van Giang ដឹកនាំ និងកែសម្រួលខ្លឹមសារមួយចំនួនក្នុងផែនការសាងសង់ហេដ្ឋារចនាសម្ព័ន្ធនៅលើកោះ Hon Khoai

លោកនាយឧត្តមសេនីយ៍ Phan Van Giang បានវិភាគអំពីគុណសម្បត្តិ និងដែនកំណត់នៃវិធីសាស្ត្រនីមួយៗ ផ្តល់ការណែនាំដល់ស្ថាប័ន និងអង្គភាពមានសមត្ថកិច្ចដើម្បីស្រូបយក បំពេញបន្ថែម និងបំពេញរបាយការណ៍សាងសង់។ លោករដ្ឋមន្ត្រី Phan Van Giang បានស្នើឱ្យស្ថាប័នមានសមត្ថកិច្ចរបស់ក្រសួងការពារប្រទេសពិនិត្យ ថ្លឹងថ្លែងថវិកា និងផ្តល់អាទិភាពលើការប្រើប្រាស់សម្រាប់គម្រោងសាងសង់ហេដ្ឋារចនាសម្ព័ន្ធ ដើម្បីបម្រើការងារអភិវឌ្ឍន៍សេដ្ឋកិច្ចសង្គមជាមួយការការពារជាតិ សន្តិសុខ នៅយោធភូមិភាគទី៩ និយាយរួម និងនៅលើកោះ Hon Khoai និយាយដោយឡែក។

លោកនាយឧត្តមសេនីយ៍ Phan Van Giang និងថ្នាក់ដឹកនាំខេត្ត Ca Mau ប្រគល់អំណោយបុណ្យតេតពីគណៈកម្មាធិការបក្សយោធាមជ្ឈិម ក្រសួងការពារប្រទេស ជូនដល់អង្គភាពដែលឈរជើងនៅលើកោះ Hon Khoai

លោកនាយឧត្តមសេនីយ៍ Phan Van Giang បានស្នើឲ្យអង្គភាពនានានៃក្រសួងការពារប្រទេស នៅពេលត្រូវបានចាត់តាំងឱ្យសាងសង់គម្រោងនានា ត្រូវតែប្រមូលប្រភពធនធានអតិបរមា លើកកម្ពស់ស្មារតីទទួលខុសត្រូវខ្ពស់បំផុត និងធានាឱ្យបានឆាប់រហ័ស គុណភាព និងសោភ័ណភាព។ ចំពោះអង្គភាពកងទ័ពដែលឈរជើងនៅលើកោះនោះ ត្រូវសម្របសម្រួលឱ្យបានល្អក្នុងការរៀបចំដី កុំឱ្យប៉ះពាល់ដល់ដំណើរការសាងសង់។ នៅក្នុងជំនួបធ្វើការ លោកនាយឧត្តមសេនីយ៍ Phan Van Giang ក៏បានស្នើឲ្យថ្នាក់ដឹកនាំខេត្ត Ca Mau គាំទ្រ និងបង្កើតលក្ខខណ្ឌអំណោយផលសម្រាប់ស្ថាប័ន អង្គភាពនានានៃក្រសួងការពារប្រទេស អនុវត្តភារកិច្ចឲ្យបានលឿន និងរលូន។

លោកនាយឧត្តមសេនីយ៍ Phan Van Giang និងគណៈប្រតិភូ រួមជាមួយកម្មាភិបាល និងយុទ្ធជននៅលើកោះ Hon Khoai

ក្នុងឱកាសនេះ តាងនាមគណៈប្រតិភូ លោកនាយឧត្តមសេនីយ៍ Phan Van Giang បានប្រគល់អំណោយបុណ្យតេតពីគណៈកម្មាធិការបក្សយោធាមជ្ឈិម ក្រសួងការពារប្រទេស ជូនដល់អង្គភាពដែលឈរជើងនៅលើកោះ Hon Khoai៕

បកប្រែដោយ Huyen Trang