កាសែតកងទ័ពប្រជាជន និងមូលនិធិដើម្បីភាពខ្លាំងមាំមួនវៀតណាម ប្រគល់អំណោយចំនួន ១៤០ ជូនដល់ប្រជាពលរដ្ឋដែលមានគុណបំណាច និងគ្រួសារលំបាក
កប.អនឡាញ - នារសៀលថ្ងៃទី៣ មករា នៅទីស្នាក់ការគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមនៅឃុំ Bang Doan (ស្រុក Doan Hung ខេត្ត Phu Tho) កាសែតកងទ័ពប្រជាជន និងមូលនិធិដើម្បីភាពខ្លាំងមាំមួនវៀតណាម - ធនាគារ Bac A បានរៀបចំកម្មវិធីប្រគល់អំណោយដល់ប្រជាជនដែលមានគុណបំណាច់ចំពោះបដិវត្តន៍ និងគ្រួសារមានការលំបាក។
អញ្ជើញចូលរួម និងប្រគល់អំណោយដោយផ្ទាល់ដល់ប្រជាជនមានលោកឧត្តមសេនីយ៍ត្រី Doan Xuan Bo លេខាគណៈកម្មាធិការបក្ស អគ្គនិពន្ធនាយកកាសែតកងទ័ពប្រជាជន; លោកស្រី Vu Thu Hang នាយិកាផ្នែកផ្សព្វផ្សាយ នៃធនាគារ Bac A - តំណាងមូលនិធិដើម្បីភាពខ្លាំងមាំមួនវៀតណាម។
    |
 |
|
លោកឧត្តមសេនីយ៍ត្រី Doan Xuan Bo និងលោកស្រី Vu Thu Hang ជូនអំណោយដល់ប្រជាជនដែលមានគុណូបការៈចំពោះបដិវត្តន៍ និងគ្រួសារមានស្ថានភាពលំបាក |
ថ្លែងក្នុងកម្មវិធី លោកស្រី Vu Thu Hang បានសម្តែងនូវអារម្មណ៍រំភើបនៅពេលតំណាងមូលនិធិដើម្បីភាពខ្លាំងមាំមួនវៀតណាម - ធននាគារ Bac A ត្រឡប់ទៅទឹកដីជាប្រភពដើមរបស់ប្រទេស។ មូលនិធិដើម្បីភាពខ្លាំងមាំមួនវៀតណាមត្រូវបានបង្កើតឡើងកាលពី១០ឆ្នាំមុន ដោយមានបំណងចង់រួមចំណែកក្នុងការងារតងស្នងសងគុណ សន្តិសុខសង្គម និងរីករាលដាលសេចក្តីស្រឡាញ់ដល់ប្រជាជន។ ក្នុងឆ្នាំ ២០២៤ មូលនិធិដើម្បីភាពខ្លាំងមាំមួនវៀតណាមបាន សម្របសម្រួលជាមួយកាសែតកងទ័ពប្រជាជន ដើម្បីរៀបចំការកសាងសាលាមួយនៅខេត្ត Dien Bien ផ្តល់សំណង់អនាម័យ អាហារូបករណ៍ កុំព្យូទ័រ ... ដល់ប្រជាជននៅតាមមូលដ្ឋានជាច្រើននៅទូទាំងប្រទេស។ ក្នុងរយៈពេលកន្លងមក កាសែតកងទ័ពប្រជាជនបានក្លាយទៅជាស្ពានតភ្ជាប់ក្តីស្រឡាញ ដើម្បីមូលនិធិដើម្បីភាំពខ្លាំងមាំមួនវៀតណាមខិតជិតនឹងប្រជាជន និងបំពេញការទទួលខុសត្រូវរបស់ខ្លួនចំពោះសង្គម។
ក្នុងឱកាសនេះ តំណាងកាសែតកងទ័ពប្រជាជន និងមូលនិធិដើម្បីភាពខ្លួនមៃមាំមួនវៀតណាមបានប្រគល់អំណោយចំនួន ១៤០ ជូនប្រជាជនដែលមានគុណូបការៈចំពោះបដិវត្តន៍ និងគ្រួសារមានស្ថានភាពលំបាក នៅឃុំ Bang Doan អំណោយនីមួយៗមានតម្លៃ ១ លានដុង។
បកប្រែដោយ Duy Hoan