កងទ័ពនិងប្រជាជននៅស្រុក Dien Chau ពោរពេញទៅដោយមនោសញ្ចេតនា
កប.អនឡាញ - ការគោរពវិញ្ញាណក្ខ័ន្ធយុទ្ធជនពលី ការទៅសួរសុខទុក្ខ ការផ្តល់អំណោយដល់គ្រួសារទទួលរបបឧបត្ថម្ភគោលនយោបាយ ការផ្តល់រង្វាន់ដល់សិស្សក្រីក្រដែលមានលទ្ធផលសិក្សាល្អ ការប្រគល់ទង់ជាតិ ទូថ្នាំពេទ្យ និងផ្សព្វផ្សាយច្បាប់ដល់អ្នកនេសាទ... គឺជាសកម្មភាពក្នុងកម្មវិធី "កងឆ្មាំសមុទ្ររួមដំណើរជាមួយអ្នកនេសាទ" ដែលរៀបចំដោយកងនាវាលេខ១១ តំបន់លេខ១ កងឆ្មាំសមុទ្រ និងគណៈចលនាមហាជនរបស់គណៈកម្មាធិការបក្សខេត្ត Nghe An នៅស្រុក Dien Chau ខេត្ត Nghe An វៀតណាម។
លោកវរសេនីយ៍ឯក Tran Van Nam ប្រធាននយោបាយនៃកងនាវាលេខ១១ បានចែករំលែកថា ក្នុងក្របខ័ណ្ឌកម្មវិធី អ្នកនេសាទ និងតំណាងអង្គការនយោបាយ សង្គម និងគណៈកម្មាធិការបក្ស អាជ្ញាធរឃុំ ទីរួមស្រុករបស់ស្រុក Dien Chau បានស្ដាប់របាយការណ៍អំពីគោលនយោបាយនិងដំណោះស្រាយសម្រាប់បញ្ហានានានៅសមុទ្រខាងកើត បញ្ហាសន្តិសុខព្រំដែន សមុទ្រ និងកោះ ភ័ស្តតាងប្រវត្តិសាស្ត្រនិងមូលដ្ឋានគតិយុត្តិដ៏ពេញលេញដើម្បីអះអាងនូវអធិបតេយ្យភាពចំពោះប្រជុំកោះទាំងពីរ Hoang Sa និង Truong Sa រួមទាំងខ្លឹមសារមូលដ្ឋាននៃច្បាប់ស្ដីពីកងឆ្មាំសមុទ្រវៀតណាមឆ្នាំ២០១៨។ល។ អង្គភាពក៏ចលនាអ្នកនេសាទផ្តល់ព័ត៌មានស្តីពីសន្តិសុខ អធិបតេយ្យភាព និងសកម្មភាពនៃឧក្រិដ្ឋកម្មគ្រប់ប្រភេទនៅលើសមុទ្រនិងតំបន់ដែលគ្រប់គ្រងដោយអង្គភាព។
|
|
គណៈកម្មការរៀបចំកម្មវិធីប្រគល់អំណោយដល់សិស្សដែលមានលទ្ធផលល្អក្នុងឆ្នាំសិក្សា ២០២៣-២០២៤ នៅស្រុក Dien Chau ខេត្ត Nghe An |
កម្មាភិបាលនិងយុទ្ធជននៃកងនាវាលេខ ១១ ក៏បានទៅផ្សព្វផ្សាយនៅលើនាវានេសាទជាង ១០០ គ្រឿងនៅតំបន់កំពង់ផែ Dien Ngoc (ស្រុក Dien Chau) ផ្សព្វផ្សាយអំពីស្ថានភាពនៅសមុទ្រកោះ និងច្បាប់ស្តីពីកងឆ្មាំសមុទ្រវៀតណាមដល់កម្មាភិបាលចំនួន ៣០០ នាក់ នៃការិយាល័យ ស្ថាប័ននិងឃុំក្នុងស្រុក និងទៅសួរសុខទុក្ខនិងប្រគល់អំណោយចំនួន ៤០ កញ្ចប់ដល់គ្រួសារទទួលរបបឧបត្ថម្ភគោលនយោបាយ អ្នកកាន់សាសនានិងអ្នកនេសាទដែលមានស្ថានភាពលំបាក ផ្តល់កង់ចំនួន១០ គ្រឿង និងអំណោយចំនួន ៩០ កញ្ចប់ដល់សិស្សក្រីក្រដែលមានលទ្ធផលសិក្សាល្អនៅស្រុក...
ថ្លែងក្នុងកម្មវិធីនេះ លោក Phan Thanh Doai អនុប្រធានគណៈចលនាមហាជននៃគណៈកម្មាធិការបក្សខេត្ត Nghe An បានឲ្យដឹងថា កម្មវិធី "កងឆ្មាំសមុទ្ររួមដំណើរជាមួយអ្នកនេសាទ" ដែលត្រូវបានរៀបចំនៅស្រុក Dien Chau គឺជាសកម្មភាពដ៏មានអត្ថន័យ និងជាក់ស្តែងរបស់កម្មាភិបាល និងយុទ្ធជននៃកងនាវាលេខ១១ និយាយដោយឡែក និងកងឆ្មាំសមុទ្រនិយាយរួម។ សកម្មភាពក្នុងក្របខ័ណ្ឌនៃកម្មវិធីនេះបង្ហាញពីប្រពៃណី "ផឹកនឹកដល់ប្រភពដើម" ព្រមទាំងពង្រីកសាមគ្គីភាពជួយគ្នាទៅវិញទៅមក ចែករំលែកដោយទាន់ពេលវេលាជាមួយប្រជាជនដែលមានស្ថានភាពលំបាក ជួយគាំទ្រនិងលើកទឹកចិត្តសិស្សឲ្យទៅសាលារៀន។ តាមរយៈនោះ ប្រជាជននិងកងកម្លាំងមានសមត្ថកិច្ចអនុវត្តល្អនូវគោលការណ៍និងមាគ៌ារបស់បក្ស គោលនយោបាយនិងច្បាប់របស់រដ្ឋ រួមចំណែករក្សាអធិបតេយ្យភាព សន្តិសុខសមុទ្រនិងកោះនៃមាតុភូមិ៕
បកប្រែដោយ Thuy Anh