ពិនិត្យជំងឺ និងចែកថ្នាំដោយឥតគិតថ្លៃ ជូនប្រជាជនជាង ២០០ នាក់នៅតំបន់ព្រំដែន Thanh Hoa – Huaphanh

ចូលរួមការពិនិត្យ ព្យាបាលជំងឺ និងចែកថ្នាំដោយឥតគិតថ្លៃនេះ មានគ្រូពេទ្យ និងគិលានុបដ្ឋាយិកាជាង ៣០ នាក់ មកពីមន្ទីរសុខាភិបាល បញ្ជាការដ្ឋានយោធាខេត្ត Thanh Hoa បញ្ជាការដ្ឋានកងទ័ពការពារព្រំដែនខេត្ត Thanh Hoa មន្ទីរពេទ្យមជ្ឈិមលេខ៧១ កងកម្លាំងពេទ្យយោធានៃកងទ័ពឡាវ បុគ្គលិកសុខាភិបាលមកពីមូលដ្ឋានចំនួន២ នៅតំបន់ព្រំដែន រួមជាមួយនឹងឧបករណ៍វេជ្ជសាស្ត្រទំនើបៗ។

នៅសាលាបឋមសិក្សាភូមិ Doi ស្រុក Viengxay ប្រជាជនជាង ២០០ នាក់បានចូលគ្លីនិកឯកទេសតាមណែនាំរបស់គ្រូពេទ្យនៃខេត្តទាំងពីរ។ តាមរយៈការពិនិត្យនេះ ប្រជាជនទទួលបានការណែនាំពីគ្រូពេទ្យយោធា អំពីការថែទាំសុខភាព អនាម័យ និងការការពារជំងឺ។

ប្រជាជនជាង ២០០ នាក់ ត្រូវបានពិនិត្យ និងចែកថ្នាំដោយឥតគិតថ្លៃ

ដោយមានបាវចនាថា «ធ្វើអស់ពីសមត្ថភាព ដើម្បីបម្រើប្រជាជន» គ្រូពេទ្យ និងគិលានុបដ្ឋាយិកាខេត្ត Thanh Hoa - Huaphanh រៀបចំការផ្សព្វផ្សាយអំពីការថែទាំសុខភាព ការការពារជំងឺជូនប្រជាជន។ ទន្ទឹមនឹងការពិនិត្យ ព្យាបាលជំងឺ និងចែកថ្នាំពេទ្យដោយឥតគិតថ្លៃ កងកម្លាំងប្រដាប់អាវុធខេត្ត Thanh Hoa ក៏បានផ្តល់អំណោយដល់សិស្សានុសិស្សចំនួន ៣០ នាក់ដែលមានស្ថានភាពលំបាក និងមានលទ្ធផលល្អក្នុងការសិក្សា។

យោងតាមលោកវរសេនីយ៍ឯក Le Van Trung ប្រធាននយោបាយនៃបញ្ជាការដ្ឋានយោធាខេត្ត Thanh Hoa បានឲ្យដឹងថា សកម្មភាពពោលខាងលើរបស់កងកម្លាំងប្រដាប់អាវុធខេត្ត Thanh Hoa បានរួមចំណែកពង្រឹងទំនាក់ទំនងជិតស្និទ្ធរវាងប្រទេសទាំងពីរ ជាពិសេសរវាងគណៈកម្មាធិការបក្ស អាជ្ញាធរមូលដ្ឋាន និងប្រជាជននៅតាមតំបន់ព្រំដែន ព្រមទាំង ក៏បានលើកកំពស់ស្មារតីទទួលខុសត្រូវរបស់កងកម្លាំងការពារព្រំដែននៃប្រទេសទាំងពីរ  ក្នុងកិច្ចសហការគ្រប់គ្រង និងការពារព្រំដែន បង្គោលព្រំដែន ការប្រយុទ្ធប្រឆាំងនឹងឧក្រិដ្ឋកម្ម ជួយប្រជាជនលុបបំបាត់ភាពអត់ឃ្លាន និងកាត់បន្ថយភាពក្រីក្រ កសាងព្រំដែនរវាងខេត្ត Thanh Hoa និងខេត្ត Huaphanh ប្រកបដោយសន្តិភាព មិត្តភាព ស្ថិរភាព និងសុខដុមរម។

កម្មវិធីផ្លាស់ប្តូរការពារជាតិរបស់កងកម្លាំងប្រដាប់អាវុធខេត្ត Thanh Hoa - Huaphanh ជាមួយសកម្មភាពដ៏មានអត្ថន័យជាច្រើន ដើម្បីអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល ប្រព្រឹត្តទៅនាថ្ងៃទី១៦ ខែធ្នូ នៅច្រកទ្វារព្រំដែនអន្តរជាតិ Na Meo ស្រុក Quan Son ខេត្ត Thanh Hoa៕

បកប្រែដោយ Thuy Anh