លោកឧត្តមសេនីយ៍ទោ Le Quang Dao មេបញ្ជាការកងឆ្មាំសមុទ្រវៀតណាម និងលោកឧត្តមសេនីយ៍ត្រី Yu Zhong ប្រធាននាយកដ្ឋានកងឆ្មាំសមុទ្រចិន អញ្ជើញជាសហប្រធានកិច្ចប្រជុំ​។ នេះជាសកម្មភាពដំបូងក្នុងសកម្មភាពទាំងឡាយនៃកម្មវិធីជួបប្រាស្រ័យ “កងឆ្មាំសមុទ្រវៀតណាម និងមិត្តភក្តិ” លើកទី២ ឆ្នាំ២០២៤។

leftcenterrightdel
ទិដ្ឋភាពនៃកិច្ចប្រជុំ​

នៅក្នុងកិច្ចប្រជុំ​នោះ ថ្នាក់ដឹកនាំកងឆ្មាំសមុទ្រនៃប្រទេសទាំងពីរបានឯកភាពថា ឆ្នាំ ២០២៤ ជាឆ្នាំមាន​កិច្ចសហប្រតិបត្តិការប្រកបដោយជោគជ័យសម្រាប់កងកម្លាំងទាំងពីរ។ ក្រៅពីអនុវត្តឱ្យបានពេញលេញនូវសកម្មភាពកិច្ចសហប្រតិបត្តិការដែលបានកំណត់ក្នុងយន្តការសហប្រតិបត្តិការប្រចាំឆ្នាំ ភាគីទាំងពីរក៏បានរៀបចំប្រកបដោយជោគជ័យនូវសកម្មភាពសហប្រតិបត្តិការថ្មី រួមមាន៖ ការផ្លាស់ប្តូរការងារបក្ស ការងារនយោបាយជាលើកដំបូង។ ការហ្វឹកហ្វឺនរួមគ្នាក្នុងការបង្ការ និងប្រឆាំងបទល្មើសនៅតំបន់សមុទ្រ។

leftcenterrightdel
ភាគីទាំងពីរចុះហត្ថលេខា និងផ្លាស់ប្តូរកំណត់ហេតុកិច្ចប្រជុំ​

* នាព្រឹកថ្ងៃទី១៦ ខែធ្នូ នាវាកងឆ្មាំសមុទ្រ CSB 8005 និងគណៈប្រតិភូកងឆ្មាំសមុទ្រវៀតណាម ដឹកនាំដោយលោកវរសេនីយ៍ឯក Nguyen Minh Khanh មេបញ្ជាការរង នាយសេនាធិការនៃកងឆ្មាំសមុទ្រតំបន់៣ បានចូលចតនៅកំពង់ផែទីក្រុង Kochi (នៅរដ្ឋ Kerala ប្រទេសឥណ្ឌា) ចាប់ផ្តើមដំណើរទស្សនកិច្ច ជួបប្រាស្រ័យ ផ្លាស់ប្តូរបទពិសោធន៍ជាមួយកងឆ្មាំសមុទ្រឥណ្ឌា។

សកម្មភាពកងឆ្មាំសមុទ្រវៀតណាមបញ្ជូននាវាទៅទស្សនកិច្ច ជួបប្រាស្រ័យ ផ្លាស់ប្តូរ និងចែករំលែកបទពិសោធន៍ជាមួយកងឆ្មាំសមុទ្រឥណ្ឌា មានអត្ថន័យនយោបាយយ៉ាងជ្រាលជ្រៅ រួមចំណែកពង្រឹងទំនាក់ទំនងមិត្តភាពជាប្រពៃណី ពង្រឹងកិច្ចសហប្រតិបត្តិការ ការយល់ដឹង និងការជឿទុកចិត្តគ្នាទៅវិញទៅមករវាងកងឆ្មាំសមុទ្រវៀតណាម និងឥណ្ឌា។ ឆ្លុះបញ្ចាំងពីការប្តេជ្ញាចិត្តរបស់ភាគីទាំងពីរក្នុងការកសាងតំបន់សមុទ្រប្រកបដោយសុវត្ថិភាព ស្ថិរភាព និងវិបុលភាព។ ទន្ទឹមនឹងនោះ គឺជាឱកាសសម្រាប់ភាគីទាំងពីរវាយតម្លៃប្រសិទ្ធភាពនៃអនុស្សរណៈនៃកិច្ចសហប្រតិបត្តិការរវាងកងកម្លាំងទាំងពីរដែលបានចុះហត្ថលេខាកាលពីឆ្នាំ ២០១៥ ដោយហេតុនេះពង្រីកវិស័យសហប្រតិបត្តិការថ្មីនាពេលអនាគត៕

បកប្រែដោយ Thanh Cong