កិច្ចប្រជុំស្តីពីការងារនយោបាយយោធានៃកងទ័ពទាំងមូលឆ្នាំ ២០២៤

លោកប្រធានរដ្ឋ Luong Cuong ត្រួតពលកងកិត្តិយសនៃកងទ័ពប្រជាជនវៀតណាម

លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម ជាអធិបតីនៃកិច្ចប្រជុំ។

លោកប្រធានរដ្ឋ Luong Cuong រួមជាមួយថ្នាក់ដឹកនាំក្រសួងការពារប្រទេស និងប្រតិភូចូលរួមកិច្ចប្រជុំ

ថ្លែងមតិក្នុងពិធីបើកកិច្ចប្រជុំ លោកនាយឧត្តមសេនីយ៍ Phan Van Giang បានសង្កត់ធ្ងន់ថា កិច្ចប្រជុំមានភារកិច្ចបូកសរុប និងវាយតម្លៃលទ្ធផលការងារយោធា និងការពារជាតិឆ្នាំ ២០២៤; ទន្ទឹមនឹងនោះ លើកឡើងភារកិច្ច និងដំណោះស្រាយព្រមៗគ្នា បង្កើតរបកគំហើញដ៏រឹងមាំ និងប្តេជ្ញាចិត្តបំពេញភារកិច្ចយោធា និងការពារជាតិឆ្នាំ ២០២៥ ដោយផ្តោតសំខាន់លើលទ្ធផលនៃការធ្វើសេនាធិការជាយុទ្ធសាស្ត្រអំពីយោធា ការពារជាតិ និងការត្រៀមប្រយុទ្ធជាស្រេច ការហ្វឹកហ្វឺន ការអប់រំ-បណ្តុះបណ្តាល ការកសាងបក្ស; អនុវត្តប្រធានបទឆ្នាំ ២០២៤ "ឆ្នាំដើម្បីបញ្ចប់ការកែទម្រង់អង្គភាពកម្លាំងឆ្ពោះទៅរកភាពចំណាន បង្រួម និងរឹងមាំ" និងភារកិច្ចសំខាន់ៗចំនួន ១៦ ដែលគណៈកម្មាធិការបក្សយោធាមជ្ឈិម និងថ្នាក់ដឹកនាំក្រសួងការពារប្រទេសបានកំណត់ក្នុងអាណត្តិ ២០២០-២០២៥។ លោកនាយឧត្តមសេនីយ៍ Phan Van Giang ស្នើឱ្យប្រតិភូទាំងឡាយលើកកម្ពស់ការទទួលខុសត្រូវ ស្មារតីប្រជាធិបតេយ្យ និងការច្នៃប្រឌិត ផ្តោតលើការស្រាវជ្រាវ ការពិភាក្សា និងការវាយតម្លៃលទ្ធផលលេចធ្លោ ដោយចង្អុលបង្ហាញយ៉ាងច្បាស់អំពីដែនកំណត់ និងមូលហេតុ; លើកឡើងដំណោះស្រាយដើម្បីអនុវត្តភារកិច្ចឆ្នាំ ២០២៥ ប្រកបដោយជោគជ័យ។

លោកប្រធានរដ្ឋ Luong Cuong ថ្លែងនៅក្នុងកិច្ចប្រជុំ

អញ្ជើញថ្លែងមតិក្នុងកិច្ចប្រជុំ លោកប្រធានរដ្ឋ Luong Cuong បានស្នើឱ្យគណៈកម្មាធិការបក្សយោធាមជ្ឈិម ក្រសួងការពារប្រទេស បន្តក្តាប់ខ្ជាប់នូវភារកិច្ច និងអនុវត្តមុខងារធ្វើសេនាធិការជាយុទ្ធសាស្ត្រជូនបក្ស រដ្ឋលើវិស័យយោធា និងការពារជាតិ។ លោកប្រធានរដ្ឋ Luong Cuong បានស្នើថា៖ “បន្តកសាងកងទ័ពដ៏រឹងមាំខាងនយោបាយ គណៈកម្មាធិការបក្សកងទ័ពស្អាតស្អំ រឹងមាំ និងជាគំរូ ក្នុងវិស័យនយោបាយ សតិអារម្មណ៍ សីលធម៌ អង្គការ និងកម្មាភិបាល”។ គប្បីថែរក្សា និងបង្កើនការដឹកនាំជាដាច់ខាត និងផ្ទាល់របស់បក្សចំពោះកងទ័ពលើគ្រប់វិស័យ  និងត្រៀមរៀបចំឲ្យបានល្អសម្រាប់មហាសន្និបាតបក្សភាគគ្រប់លំដាប់ថ្នាក់សម្រាប់អាណត្តិឆ្នាំ ២០២៥ - ២០៣០ និងមហាសន្និបាតបក្សភាគកងទ័ពលើកទី១២”។

លោកប្រធានរដ្ឋ Luong Cuong ក៏បានស្នើឱ្យគណៈកម្មាធិការបក្សយោធាមជ្ឈិម ក្រសួងការពារប្រទេស អនុវត្តព្រមៗគ្នា យ៉ាងទូលំទូលាយ និងប្រកបដោយប្រសិទ្ធភាពនូវការងារធ្វើសមាហរណកម្មអន្តរជាតិ និងការទូតការពារជាតិ ធានាផលប្រយោជន៍ជាតិខ្ពស់បំផុត។ លើកកំពស់ប្រសិទ្ធភាពនៃកិច្ចសហប្រតិបត្តិការលើវិស័យការពារជាតិទ្វេភាគី និងពហុភាគី៕

បកប្រែដោយ Huyen Trang