លោក Pham Minh Chinh នាយករដ្ឋមន្ត្រី អុជធូបរំលឹកគុណូបការៈរបស់រាល់ស្តេច Hung

កូនចៅ ពូជនាគចំនួន ១០០ នាក់កាន់ទង់ឈានចូលពិធីបុណ្យគោរពស្តេច Hung

ក្នុងបរិយាកាសដ៏ឱឡារិក តាងនាមប្រជាជនវៀតណាម លោក Bui Van Quang ប្រធានគណៈកម្មាធិការប្រជាជនខេត្ត Phu Tho បានអានសារមួយបង្ហាញពីការគោរពដ៏ខ្ពង់ខ្ពស់ ការដឹងគុណយ៉ាងជ្រាលជ្រៅបំផុតចំពោះរាល់ស្តេច Hung និងបុព្វបុរសដែលបានមានគុណបង្កើតរដ្ឋ Van Lang បង្កើតបានគ្រឹះយ៉ាងរឹងមាំសម្រាប់ប្រទេសជាតិ និងប្រជាជនឲ្យទទួលបានភាពសុខសាន្តត្រានជារៀងរហូត។ ឆ្លងកាត់ដំណើរការប្រវត្តិសាស្ត្រនៃការកសាង និងការពារប្រទេសជាតិ កូនចៅពូជនាគ Lac Hong គ្រប់ជំនាន់បានឆ្លងកាត់រាល់ការលំបាក និងជំនះបញ្ហាប្រឈមជាច្រើនរាប់មិនអស់បង្កើតទំនៀមទំលាប់ប្រពៃណីសាមគ្គីជាតិ ស្នេហាជាតិ ស្មារតីខ្លួនទីពឹងខ្លួន និងមានមោទនភាពយ៉ាងខ្លាំងចំពោះជាតិ។

លោក Pham Minh Chinh និងគណៈប្រតិភូ ថ្វាយនិងអុជធូបគោរពស្តេច Hung

នៅចំពោះមុខវិញ្ញាណក្ខន្ធបុព្វបុរសជាទីគោរពដ៏ខ្ពង់ខ្ពស់ កូនចចៅពូជនាគ Lac Hong ប្តេជ្ញាចងចាំជារៀងរហូតនូវដំបូន្មានរបស់លោកប្រធានហូជីមិញថា៖ “ស្តេច Hung បានមានគុណបង្កើតប្រទេស យើងទាំងអស់គ្នាត្រូវតែការពារប្រទេសឱ្យគង់វង្សយ៉ាងដាច់ខាត”។ គណៈកម្មាធិការបក្ស អាជ្ញាធរដែនដីនិងប្រជាជនគ្រប់ជនខេត្ត Phu Tho មានកិត្តិយសតំណាងឲ្យបងប្អូនជនរួមជាតិទូទាំងប្រទេស និងជនរួមជាតិនៅក្រៅប្រទេសក្នុងការថែរក្សាទីសក្ការៈបូជាដូនតា ប្តេជ្ញារួបរួមចិត្តតែមួយ តាំងចិត្តកសាងមាតុភូមិឲ្យកាន់តែរីកចម្រើន និងរឹងមាំ។

បន្ទាប់ពីពិធីអុជធូប និងថ្វាយផ្កានៅប្រាសាទគោរពស្តេច Hung ជាទីគោរព លោក Pham Minh Chinh និងគណៈប្រតិភូ បានមកថ្វាយផ្កា និងអុជធូបនៅវិហារ Hung Vuong ថ្វាយផ្កានៅផ្ទាំងគំនូរ "អ៊ុំហូ និយាយសំណេះសំណាលជាមួយកងទ័ពនៃអង្គទ័ព “Quan Tien Phong” ពោលគឺជាអង្គភាពត្រួសត្រាយឈានមុខក្នុងសម័យតស៊ូប្រឆាំងអាណានិគមនិយមបារាំង៕

បកប្រែដោយ Minh Trung