អនុវត្តឱ្យបានល្អនូវចលនាប្រជាជនទាំងមូលចូលរួមការពារអធិបតេយ្យភាពទឹកដី និងសន្តិសុខព្រំដែនជាតិ
កប.អនឡាញ - នាពេលកន្លងមក កងទ័ពការពារព្រំដែនបានផ្ដល់ប្រឹក្សា និងសហការជាមួយគ្រប់លំដាប់ថ្នាក់ តាំងពីមជ្ឈិម គណៈកម្មាធិការបក្ស និងអាជ្ញាធរមូលដ្ឋានដើម្បីផ្សព្វផ្សាយ និងអំពាវនាវកម្មាភិបាល និងប្រជាជនឲ្យអនុវត្ដចលនា “ប្រជាជនទាំងមូលចូលរួមការពារអធិបតេយ្យភាពទឹកដី និងសន្តិសុខព្រំដែនជាតិក្នុងស្ថានភាពថ្មី”។
ដោយហេតុនេះ កងទ័ពការពារព្រំដែនបានសហការជាមួយគណៈកម្មាធិការបក្ស និងអាជ្ញាធរមូលដ្ឋានដើម្បីបង្កើតក្រុមគ្រប់គ្រងដោយខ្លួនឯងជិត ២.០០០ ក្រុម ហើយគ្រួសារចំនួន ៤៦.០០០ គ្រួសារ និងបុគ្គលជាង ៩៦.០០០ នាក់ បានចុះឈ្មោះចូលរួមគ្រប់គ្រងព្រំដែន និងបង្គោលព្រំដែនដោយខ្លួនឯង។
លើសពីនេះ គណៈកម្មាធិការបក្ស និងបញ្ជាការដ្ឋានកងទ័ពការពារព្រំដែន ក៏បានចុះហត្ថលេខាលើលក្ខ័ន្តិកៈ និងសហការជាមួយក្រសួង និងស្ថាប័នពាក់ព័ន្ធជាង ២០ និងខេត្ដក្រុងចំនួន ៤៤ តាមតំបន់ព្រំដែន និងអង្គភាពកងទ័ព; ជាមួយគ្នានោះ ផ្ដល់សេនាធិការដល់គណៈកម្មាធិការបក្ស និងអាជ្ញាធរមូលដ្ឋានដើម្បីបញ្ជាឲ្យបណ្ដាអង្គភាពនៅតាមតំបន់ព្រំដែនរៀបចំសកម្មភាពជាច្រើនឆ្ពោះទៅព្រំដែនដូចជា "និទាឃរដូវនៅតំបន់ព្រំដែនពោរពេញទៅដោយភាពកក់ក្ដៅសម្រាប់អ្នកភូមិ"; "រួមដំណើរជាមួយស្ដ្រីនៅតំបន់ព្រំដែន"... ដែលរួមចំណែកពង្រឹងសាមគ្គីភាព សម្របសម្រួលនិងជួយគ្នាទៅវិញទៅមករវាងកងទ័ពការពារព្រំដែន និងកងកម្លាំងដទៃទៀតនិងប្រជាជន៕
បកប្រែដោយ Thanh Cong