នាយទាហានរក្សាសន្តិភាពវៀតណាមសិក្សាស្ដីពីច្បាប់មនុស្សធម៌អន្តរជាតិ

លោក Lloyd Gillett អ្នកជំនាញជាន់ខ្ពស់ចែករំលែកអំពីច្បាប់មនុស្សធម៌ដល់សិក្ខាកាម

វគ្គបណ្តុះបណ្តាលរយៈពេល ៣ ថ្ងៃ ដោយលោក Lloyd Gillett អ្នកជំនាញជាន់ខ្ពស់នៃបណ្ដាកងកម្លាំងប្រដាប់អាវុធមកពី ICRC Bangkok រួមជាមួយនឹងអ្នកជំនាញ និងអ្នកសម្របសម្រួលរបស់ ICRC ណែនាំនិងចែករំលែកជាមួយសិក្ខាកាមចំនួន ១៥៦ នាក់ អំពីបទពិសោធន៍ដែលទាក់ទងទៅនឹងច្បាប់មនុស្សធម៌អន្តរជាតិនៅពេលបំពេញភារកិច្ចនៅស្ថានបេសកកម្ម។

សិក្ខាកាមទាំងនេះនឹងទទួលបានចំណេះដឹងជាមូលដ្ឋាន និងចាំបាច់អំពីច្បាប់មនុស្សធម៌អន្តរជាតិ បរិយាកាសជម្លោះ មុខសញ្ញាដែលត្រូវបានការពារក្រោមច្បាប់ និងសកម្មភាពបំពានច្បាប់។ ទម្រង់នៃការបង្រៀនដោយផ្ទាល់និងតាមប្រព័ន្ធវិដេអូ អនុវត្តកម្មវិធីសិក្សាបង្រៀនផង និងអនុវត្ដជាក់ស្ដែងផង ជួយសិក្ខាកាមឱ្យមានឱកាសចូលរួមដោះស្រាយស្ថានភាពជាក់ស្ដែង។ ទន្ទឹមនឹងនោះ បុគ្គលិករបស់ ICRC នៅប្រទេសស៊ូដង់ខាងត្បូងនឹងចែករំលែកបទពិសោធន៍ដែលប្រតិបត្តិការនៅក្នុងតំបន់ដល់សិក្ខាកាមទាំងអស់។

ប្រតិភូទាំងឡាយថតរូបជាមួយសិក្ខាកាមទាំងអស់

លោក Lloyd Gillett បានបញ្ជាក់ថា ក្នុងនាមជាអង្គការមនុស្សធម៌ ICRC កត់សម្គាល់ការរួមចំណែករបស់កងកម្លាំងរក្សាសន្តិភាពអង្គការសហប្រជាជាតិរបស់វៀតណាម និងគុណតម្លៃនៃសកម្មភាពនេះ រួមចំណែកនាំមកនូវស្ថិរភាព និងសន្តិភាពនៅក្នុងតំបន់ដែលរងផលប៉ះពាល់ដោយជម្លោះ៕

បកប្រែដោយ Pham Diep