កងកម្លាំងប្រដាប់អាវុធខេត្ដ Quang Binh ប្រយុទ្ធប្រឆាំងនឹងជំងឺរាតត្បាតកូវីដ-១៩ ផង និងជួយប្រជាជនជំនះការលំបាកដោយសារទឹកជំនន់ផង

បន្ទាប់ពីទឹកជំនន់ស្រកចុះ កម្មាភិបាលនិងបុគ្គលិកនៃបញ្ជាការដ្ឋានយោធាស្រុក Le Thuy និងកងសេនាជនបានធ្វើសំអាតអនាម័យយ៉ាងឆាប់រហ័សនិងជួយប្រជាជនជួសជុលផ្ទះ និងសម្អាតអនាម័យនៅតាមមូលដ្ឋាន។ ការដែលកងទ័ពផ្ដល់អាទិភាពបំផុតគឺការជំនះផលវិបាកឲ្យគ្រូបង្រៀន និងសិស្សអាចត្រឡប់មកសាលារៀនវិញនាពេលឆាប់ៗ។

កម្មាភិបាលនិងយុទ្ធជននៃបញ្ជាការដ្ឋានយោធាស្រុក Le Thuy ជួយសាលាមត្តេយ្យទីរួមស្រុក Kien Giang ជម្នះផលវិបាកនៃជំនន់ទឹកភ្លៀង

មានទីតាំងស្ថិតនៅកណ្តាលស្រុក Le Thuy ប៉ុន្ដែសាលាមត្តេយ្យទីរួមស្រុក Kien Giang រងការជន់លិចជារៀងរាល់ឆ្នាំ។ កាលពីប៉ុន្មានថ្ងៃមុននេះ សាលាបានលិចលង់ក្នុងជំនន់ទឹកភ្លៀងជាង ១,២ ម៉ែត្រ។ អ្នកគ្រូ Vo Thi Doai នាយិកាសាលា មត្តេយ្យទីរួមស្រុក Kien Giang បានចែករំលែកថា“ ទឹកបានស្រកចុះតែសំភារៈនៅលិចក្នុងភក់។ សំណាងល្អដែលមានកម្មាភិបាលនិងយុទ្ធជនជួយធ្វើសម្អាតអនាម័យក្នុងសាលា។  យើងខ្ញុំដឹងថា ក្នុងរយៈពេលកន្លងមក កម្មាភិបាលនិងយុទ្ធជនបានខិតខំប្រយុទ្ធប្រឆាំងនឹងជំងឺរាតត្បាតកូវីដ -១៩  ប៉ុន្តែមិនក្រែងរអែងពីការលំបាកទេ ពួកគាត់បានជួយសាលាជម្នះផលវិបាក។  អាស្រ័យហេតុនេះ សិស្សអាចត្រឡប់មកសាលារៀនវិញ” ។

ប៉ុន្មានថ្ងៃកន្លងមក កងកម្លាំងប្រដាប់អាវុធនៅខេត្ត Quang Binh ទើបចូលរួមការប្រយុទ្ធប្រឆាំងនឹងជំងឺកូវីដ -១៩ ប៉ុន្តែនៅតែមិនក្រែងរអែងពីការលំបាកដើម្បីជួយប្រជាជននិងអាជ្ញាធរមូលដ្ឋានជម្នះផលវិបាកក្រោយទឹកជំនន់។ រូបភាពរបស់កម្មាភិបាលយុទ្ធជននិងកងសេនាជនមានវត្ដមាននៅតាមភូមិ តាមដងផ្លូវ សាលារៀន មណ្ឌលសុខភាពដើម្បីជួយប្រជាជនធ្វើសម្អាតអនាម័យ ជួសជុលផ្ទះនិងជម្រៀសទ្រព្យសម្បត្តិទៅកាន់ទីទួលសុវត្ថិភាពដែលនាំមកនូវក្ដីរំភើបចិត្ដយ៉ាងខ្លាំងដល់ប្រជាពលរដ្ឋ៕

បកប្រែដោយ Pham Diep