បន្តធ្វើឲ្យកិច្ចការបរទេសការពារព្រំដែនក្លាយជាចំណុចភ្លឺនៃកិច្ចការបរទេសការពារជាតិ
កប.អនឡាញ - នាព្រឹកថ្ងៃទី៣ មីនា លោកឧត្តមសេនីយ៍ត្រី Le Duc Thai មេបញ្ជាការកងទ័ពការពារព្រំដែនបានធ្វើការជាមួយសេនាធិការដ្ឋាននៃកងទ័ពការពារព្រំដែន និងនាយកដ្ឋានទាំងឡាយស្ដីពីការអនុវត្តភារកិច្ចនៃកិច្ចការបរទេសការពារព្រំដែនឆ្នាំ ២០២១ ។
|
|
លោកឧត្តមសេនីយ៍ត្រី Le Duc Thai ថ្លែងនៅកិច្ចប្រជុំ (រូបថត៖ bienphong.com.vn) |
នៅក្នុងជំនួបនេះ លោកវរសេនីយ៍ឯក Pham Xuan Dieu នាយសេនាធិការរងនៃកងទ័ពការពារព្រំដែនវៀតណាមបានជំរាបជូនអំពីលទ្ធផលនៃកិច្ចការបរទេសការពារព្រំដែនចាប់ពីដើមឆ្នាំ ២០២១ រហូតមកដល់ពេលនេះ ដោយទទួលបានលទ្ធផលមួយចំនួន។ ជាក់ស្តែង បញ្ជាការដ្ឋានកងការពារព្រំដែនវៀតណាមនិងបញ្ជាការដ្ឋានកងទ័ពជើងគោកកម្ពុជាបានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការព្រំដែន។ សេនាធិការដ្ឋាននៃកងទ័ពការពារព្រំដែនបានផ្ដល់យោបល់ជូនបញ្ជាការដ្ឋានកងទ័ពការពារព្រំដែនចេញផ្សាយផែនការអំពីកិច្ចការបរទេសការពារជាតិ និងការពារព្រំដែនឆ្នាំ ២០២១ និងប្រគល់ភារកិច្ចឲ្យអង្គភាពទាំងឡាយ។
ទន្ទឹមនឹងនោះ សេនាធិការដ្ឋានបានសម្របសម្រួលជាមួយនាយកដ្ឋានទាំងឡាយរៀបចំសេចក្ដីព្រាងផែនការសម្រាប់អនុវត្ត “កិច្ចព្រមព្រៀងសហប្រតិបត្តិការរវាងក្រសួងការពារប្រទេសវៀតណាមនិងក្រសួងនគរបាលចិនស្តីពីការបង្កើតយន្តការសហប្រតិបត្ដិការក្នុងការគ្រប់គ្រងតំបន់ច្រកទ្វារព្រំដែន និងគ្រប់គ្រងព្រំដែនគោកដែលបានចុះហត្ថលេខានៅថ្ងៃទី ១៩ ខែកុម្ភៈ ឆ្នាំ២០២១ ។
ក្នុងឱកាសនេះ លោកឧត្តមសេនីយ៍ត្រី Le Duc Thai បានស្នើឲ្យអង្គភាពទាំងឡាយបន្តសម្របសម្រួលជាមួយសេនាធិការដ្ឋាននៃកងទ័ពការពារព្រំដែនសម្រេចឲ្យបាននូវសេចក្តីព្រាងនៃកិច្ចព្រមព្រៀងកិច្ចសហប្រតិបត្តិការការពារព្រំដែនរវាងបញ្ជាការដ្ឋានកងទ័ពការពារព្រំដែនវៀតណាមជាមួយកងកម្លាំងគ្រប់គ្រងនិងការពារព្រំដែនប្រទេសឡាវនិងកម្ពុជាតាមកាលកំណត់។
លោកឧត្តមសេនីយ៍ត្រី Le Duc Thai ក៏បានស្នើឱ្យនាយកដ្ឋាននយោបាយនៃកងទ័ពការពារព្រំដែនសហការជាមួយអង្គភាពនានាក្នុងការឃោសនា ស្រាវជ្រាវនិងផ្លាស់ថ្មីនូវសកម្មភាពការបរទេសការពារព្រំដែនឲ្យបានប្រសិទ្ធភាព និងបន្ដធ្វើឲ្យកិច្ចការបរទេសការពារព្រំដែនក្លាយជាចំណុចភ្លឺនៃកិច្ចការបរទេសការពារជាតិ៕
បកប្រែដោយ Pham Diep