បន្តបើកជើងហោះហើរដើម្បីជួយសង្គ្រោះប្រជាជននៅស្រុក Phuoc Son
កប.អនឡាញ - នៅថ្ងៃត្រង់ថ្ងៃទី ២ ខែតុលា កងវរសេនាធំលេខ ៩៣០ កងពលធំទ័ពជើងអាកាសលេខ ៣៧២ បន្តបើកជើងហោះហើរដើម្បីជួយសង្គ្រោះប្រជាជននៅឃុំ Phuoc Loc និង Phuoc Thanh នៅស្រុក Phuoc Son ។ នេះជាតំបន់រងការកាត់ផ្តាច់ ហើយខេត្ត Quang Nam បានស្នើសុំក្រសួងការពារប្រទេសជួយសង្គ្រោះជាបន្ទាន់។
បន្ទាប់ពីដឹកស្បៀងអាហារជិត ១០ តោនដោយឧទ្ធម្ភាគចក្រ ២ គ្រឿង និងតាមផ្លូវគោកដើម្បីជួយឧបត្ថម្ភបណ្ដាឃុំដែលត្រូវរងការកាត់ផ្តាច់នៅស្រុក Phuoc Son ខេត្ដ Quang Nam នៅថ្ងៃទី៣ ខែវិច្ឆិកា កងវរសេនាធំលេខ ៩៣០ បានបន្ដបញ្ជូនឧទ្ធម្ភាគចក្រដឹកស្បៀងអាហារទៅជួយដល់ប្រជាជននៅឃុំ Phuoc Loc ស្រុក Phuoc Son។
ដោយទទួលបានបទបញ្ជាពីថ្នាក់លើ កម្មាភិបាល និងយុទ្ធជននៃកងវរសេនាធំលេខ ៩៣០ បានដឹកស្បៀងអាហារ និងថ្នាំពេទ្យជិត ២ តោនតាមឧទ្ធម្ភាគចក្រយ៉ាងឆាប់រហ័ស។
|
|
ក្រុមជួយសង្គ្រោះនៃកងវរសេនាធំលេខ ៩៣០ បានដឹកទំនិញជួយសង្គ្រោះជូនប្រជាជនតាមឧទ្ធម្ភាគចក្រ |
ឆ្លងកាត់លក្ខខ័ណ្ឌលំបាកនៃអាកាសធាតុ និងភូមិសាស្ដ្រ ក្រុមជួយសង្គ្រោះនៃកងវរសេនាធំលេខ ៩៣០ បានដឹកទំនិញចុះជួយសង្គ្រោះតំបន់ត្រូវបានកាត់ផ្តាច់នៅឃុំ Phuoc Thanh ស្រុក Phuoc Son ខេត្ដ Quang Nam។ ទំនិញជួយសង្គ្រោះរួមមានអង្ករ ភួយ ម៉ុង សម្លៀកបំពាក់.....។
បកប្រែដោយ Pham Diep