ជម្រុញកិច្ចសហប្រតិបត្តិការលើវិស័យវិទ្យាសាស្រ្ត និងប្រើប្រាស់បច្ចេកវិទ្យាក្នុងកងទ័ពជើងទឹក
កប.អនឡាញ - នាថ្ងៃទី៨ ខែកញ្ញា មជ្ឈមណ្ឌលត្រូពិកវៀតណាម - រុស្ស៊ី បានសហការជាមួយកងទ័ពជើងទឹកវៀតណាមរៀបចំកិច្ចប្រជុំបូកសរុបលទ្ធផលនៃកិច្ចសហប្រតិបត្តិការក្នុងការស្រាវជ្រាវវិទ្យាសាស្រ្ត និងការផ្ទេរបច្ចេកវិទ្យា។
ក្នុងប៉ុន្មានឆ្នាំកន្លងមក ប្រធានបទ និងការងារស្រាវជ្រាវក្នុងកម្មវិធីសហប្រតិបត្តិការ រវាងអង្គភាពទាំងពីរត្រូវបានប្រើប្រាស់ ប្រកបដោយប្រសិទ្ធិភាព ចូលរួមចំណែកក្នុងការលើកកម្ពស់គុណភាពនៃការធានាបច្ចេកទេស ភស្តុភា ពេទ្យយោធា ជាដើម ហើយដោះស្រាយដោយទាន់វេលានូវបញ្ហាកើតឡើងក្នុងការបង្វឹកបង្ហាត់ និងការត្រៀមប្រយុទ្ធជាស្រេចរបស់កងទ័ពជើងទឹកវៀតណាម។ នៅកិច្ចប្រជុំនេះ មជ្ឈមណ្ឌលត្រូពិកវៀតណាម - រុស្ស៊ីបានប្រគល់ជូនកងទ័ពជើងទឹកវៀតណាមនូវឧបករណ៍បំលែងទឹកប្រៃទៅជាទឹកសាបដោយប្រើប្រាស់ថាមពលពន្លឺព្រះអាទិត្យ៕
បកប្រែដោយ Thuy Anh