ពិនិត្យការអនុវត្តផែនការស្វែងរកនិងប្រមូលអដ្ឋិធាតុយុទ្ធជនពលីវៀតណាមក្នុងឆ្នាំ ២០២០
កប.អនឡាញ - នាថ្ងៃទី ២ មិថុនា ក្រុមការងារនៃគណៈកម្មាធិការជាតិដឹកនាំលេខ ៥១៥ ដឹកនាំដោយលោកឧត្តមសេនីយ៍ឯក Le Chiem អនុរដ្ឋមន្រ្តីក្រសួងការពារប្រទេសវៀតណាម និងជាអនុប្រធានគណៈកម្មាធិការជាតិដឹកនាំលេខ ៥១៥ បានចុះពិនិត្យផែនការស្វែងរកនិងប្រមូលអដ្ឋិធាតុយុទ្ធជនពលីនៃគណៈកម្មាធិការដឹកនាំលេខ ៥១៥ នៃយោធភូមិភាគទី ២ ក្នុងឆ្នាំ ២០២០ ។
    |
 |
|
លោកឧត្តមសេនីយ៍ឯក Le Chiem ថ្លែងក្នុងកិច្ចប្រជុំ |
ក្នុងរយៈពេលកន្លងមក គណៈកម្មាធិការដឹកនាំនៃយោធភូមិភាគទី២ ធ្វើផែនការបានទាន់ពេលវេលា ណែនាំការស្វែងរក និងប្រមូលអដ្ឋិធាតុយុទ្ធជនពលីវៀតណាមទាំងក្នុង និងក្រៅប្រទេស។
តាងនាមគណៈកម្មាធិការជាតិដឹកនាំលេខ ៥១៥ លោកឧត្តមសេនីយ៍ឯក Le Chiem បានទទួលស្គាល់ និងលើកសរសើរចំពោះលទ្ធផលនៃការស្វែងរក ការប្រមូលអដ្ឋិធាតុ និងការកំណត់អត្តសញ្ញាណនៃយុទ្ធជនពលីរបស់យោធភូមិភាគទី២។ លោកឧត្តមសេនីយ៍ឯក Le Chiem បានស្នើឲ្យគណៈកម្មាធិការដឹកនាំនៃយោធភូមិភាគទី២ ត្រូវតែជំរុញការផ្សព្វផ្សាយ និងចលនាអង្គការ បុគ្គលឲ្យផ្ដល់ព័ត៌មានអំពីអដ្ឋិធាតុយុទ្ធជនពលី ហើយបន្តដឹកនាំការស្វែងរកនិងប្រមូលអដ្ឋិធាតុយុទ្ធជនពលីនៅប្រទេសឡាវ និងខេត្តនានាស្ថិតនៅក្នុងតំបន់ដែលយោធភូមិភាគទី២ បោះទ័ព៕
បកប្រែដោយ Pham Diep