វៀតណាមបញ្ជាក់ពីតួនាទីរបស់ខ្លួនជាសមាជិកស្ថាបនិកនៃក្រុមប្រឹក្សាសន្តិភាព

ក្នុងឱកាសនេះ លោក Nguyen Quoc Dung ឯកអគ្គរដ្ឋទូតវិសាមញ្ញ និងពេញសមត្ថភាពរបស់វៀតណាមប្រចាំសហរដ្ឋអាមេរិក បានបញ្ជាក់ថា ដំណើរទស្សនកិច្ចនេះបង្ហាញពីកិច្ចសន្យាយ៉ាងមុតមាំរបស់វៀតណាមចំពោះកិច្ចខិតខំប្រឹងប្រែងសន្តិភាពអន្តរជាតិ៖ «លោក To Lam អគ្គលេខាបក្ស រួមជាមួយសមាជិកដទៃទៀតនៃក្រុមប្រឹក្សា នឹងពិភាក្សា និងកំណត់ការងារដែលក្រុមប្រឹក្សានឹងធ្វើដើម្បីអនុវត្តផែនការសន្តិភាពសម្រាប់តំបន់ហ្គាហ្សា ស្របតាមសេចក្តីសម្រេចលេខ ២៨៣០ របស់ក្រុមប្រឹក្សាសន្តិសុខអង្គការសហប្រជាជាតិ។ ការចូលរួមរបស់មេដឹកនាំខ្ពស់បំផុតរបស់វៀតណាម បង្ហាញពីការគាំទ្រ និងការត្រៀមខ្លួនជាស្រេចរបស់វៀតណាមក្នុងការចូលរួមក្នុងកិច្ចខិតខំប្រឹងប្រែងរួមគ្នារបស់សហគមន៍អន្តរជាតិ ដើម្បីសន្តិភាព និងការអភិវឌ្ឍ»។

លោក Nguyen Quoc Dung ឯកអគ្គរដ្ឋទូតវៀតណាមប្រចាំសហរដ្ឋអាមេរិក (រូបថត៖ vnanet.vn)

យោងតាមលោក Nguyen Quoc Dung ឯកអគ្គរដ្ឋទូត ការដែលវៀតណាមក្លាយជាសមាជិកស្ថាបនិករបស់ក្រុមប្រឹក្សាសន្តិភាព គឺជាគោលនយោបាយឥតងាករេក្នុងគោលនយោបាយការបរទេស ការធ្វើសមាហរណកម្ម និងការបំពេញបេសកកម្មរួមរបស់ខ្លួន។ ដំណើរទស្សនកិច្ចនេះក៏បន្តពង្រឹងទំនុកចិត្តផ្នែកនយោបាយ ពង្រីកកិច្ចសហប្រតិបត្តិការជាក់ស្តែង និងបង្កើតកម្លាំងចលករបន្ថែមទៀតសម្រាប់ទំនាក់ទំនងវៀតណាម-សហរដ្ឋអាមេរិកនាពេលខាងមុខ៕

បកប្រែដោយ Huyen Trang