មហាសន្និបាតលើកទី ១៤ របស់បក្ស៖ ប្រព័ន្ធផ្សព្វផ្សាយជប៉ុន រំលេចគោលដៅកំណើនរបស់វៀតណាម

អត្ថបទរបស់ទីភ្នាក់ងារសារព័ត៌មាន Kyodo បានវាយតម្លៃថា វៀតណាមយកចិត្តទុកដាក់លើការកំណត់គោលដៅអភិវឌ្ឍន៍សេដ្ឋកិច្ច និងការអនុវត្តគោលនយោបាយការទូតគ្រប់ជ្រុងជ្រោយ។

កាសែត Nikkei បានសង្កត់ធ្ងន់ថា មហាសន្និបាតលើកទី ១៤ កំណត់គោលដៅកំណើនសេដ្ឋកិច្ចប្រចាំឆ្នាំរបស់វៀតណាមយ៉ាងហោចណាស់ ១០% ក្នុងរយៈពេល ៥ ឆ្នាំខាងមុខ និងអបអរសាទរខួបលើកទី ១០០ ឆ្នាំនៃការបង្កើតបក្សកុម្មុយនីស្តវៀតណាមនៅឆ្នាំ២០៣០។ អត្ថបទក៏បានចាត់ទុកថា រយៈពេល ៥ ឆ្នាំខាងមុខនឹងមានសារៈសំខាន់បំផុតសម្រាប់វៀតណាមក្នុងការចូលរួមជួរប្រទេសអភិវឌ្ឍន៍ នាពេលអនាគត។

រូបថតអេក្រង់៖ ទីភ្នាក់ងារសារព័ត៌មាន Kyodo (ជប៉ុន) ជូនដំណឹងអំពីមហាសន្និបាតលើកទី ១៤ របស់បក្សកុម្មុយនិស្តវៀតណាម

កាសែត Mainichi បានបញ្ជាក់ច្បាស់ពីគោលដៅរបស់វៀតណាមរហូតដល់ឆ្នាំ ២០៤៥ គឺក្លាយជាប្រទេសអភិវឌ្ឍន៍មានប្រាក់ចំណូលខ្ពស់។ យោងតាមអត្ថបទនេះ នេះគឺជាគោលដៅដែលពោរពេញទៅដោយបញ្ហាសាកល្បង ប៉ុន្តែលោក To Lam អគ្គលេខាបក្ស បានសង្កត់ធ្ងន់ថា នឹងមានការកែទម្រង់ជាមូលដ្ឋានលើគំរូកំណើនសេដ្ឋកិច្ច។

ទាក់ទងនឹងគោលដៅកំណើនរបស់វៀតណាមដែរ កាសែត Sankei បានវិភាគថា វៀតណាមកំពុងផ្តល់អាទិភាពដល់ការអភិវឌ្ឍសេដ្ឋកិច្ច និងការអនុវត្តគោលមាគ៌ាកិច្ចការបរទេសឯករាជ្យ ខ្លួនទីពឹងខ្លួន ពហុភាគីភាវូបនីយកម្ម និងពិពិធកម្មទំនាក់ទំនង៕

បកប្រែដោយ Thanh Cong