គេហទំព័រព័ត៌មានខាងលើបានសង្កត់ធ្ងន់ថា នេះជាដំណើរទស្សនកិច្ចលើកដំបូងរបស់មេដឹកនាំវៀតណាមមកកាន់ប្រទេសគុយវ៉ែតក្នុងរយៈពេល១៦ឆ្នាំ។ ដំណើរទស្សនកិច្ចនេះឆ្លុះបញ្ចាំងយ៉ាងច្បាស់ពីបំណងប្រាថ្នារួមក្នុងការជម្រុញទំនាក់ទំនងទ្វេភាគីឡើងដល់កម្ពស់យុទ្ធសាស្ត្រថ្មី ដោយបើកជំពូកថ្មីនៃកិច្ចសហប្រតិបត្តិការរវាងប្រទេសទាំងពីរ។ ចំណុចលេចធ្លោនៃដំណើរទស្សនកិច្ចនេះគឺសុន្ទរកថាដ៏សំខាន់ របស់លោក Pham Minh Chinh នាយករដ្ឋមន្ត្រី នៅឯបណ្ឌិតសភាការទូតគុយវ៉ែត Saud N. Al-Sabah ដែលបង្ហាញពីគោលនយោបាយកិច្ចការបរទេស និងចក្ខុវិស័យយុទ្ធសាស្ត្ររបស់វៀតណាម សំដៅជំរុញទំនាក់ទំនងវៀតណាម-គុយវ៉ែត។

leftcenterrightdel
សារព័ត៌មានគុយវ៉ែតបង្ហោះព័ត៌មានអំពីដំណើរទស្សនកិច្ចរបស់លោកនាយករដ្ឋមន្ត្រីវៀតណាម (រូបថត៖ vnanet.vn)

យោងតាមប្រព័ន្ធផ្សព្វផ្សាយគុយវ៉ែត កិច្ចសហប្រតិបត្តិការគុយវ៉ែត-វៀតណាមបានអភិវឌ្ឍដោយស្ថិរភាព ជាពិសេសនៅក្នុងវិស័យពាណិជ្ជកម្ម និងវិនិយោគ។ ទំហំពាណិជ្ជកម្មទ្វេភាគីសម្រេចបាន ៧.៣ ពាន់លានដុល្លារអាមេរិកនៅឆ្នាំ ២០២៤ ដែលជាចំនួនខ្ពស់បំផុតរវាងវៀតណាមជាមួយដៃគូមជ្ឈិមបូព៌ាណាមួយ។ ការនាំចេញរបស់វៀតណាមទៅកាន់គុយវ៉ែតកំពុងធ្វើពិពិធកម្មដោយឥតឈប់ឈរ ចាប់ពីផលិតផលកសិកម្ម និងជលផល រហូតដល់ផ្លែឈើស្រស់ គ្រឿងសង្ហារិមឈើ គ្រឿងចក្រ ឧបករណ៍ និងគ្រឿងអេឡិចត្រូនិច។ ក្នុងចំណោមបណ្តាប្រទេសមជ្ឈិមបូព៌ា គុយវ៉ែតមានបញ្ជីគម្រោងវិនិយោគធំបំផុតនៅវៀតណាម។ គម្រោងសំខាន់គឺបណ្ដុំឧស្សាហកម្មចម្រាញ់ប្រេងគីមីឥន្ធនៈ Nghi Son ដែលគុយវ៉ែតបានរួមចំណែកដើមទុនប្រហែល ៣.៥ ពាន់លានដុល្លារអាមេរិក៕

តាម vovworld.vn