វៀតណាមរួមចំណែកប្រកបដោយការទទួលខុសត្រូវក្នុងការទប់ស្កាត់និងប្រយុទ្ធប្រឆាំងនឹងឧក្រិដ្ឋកម្ម

លោក Bui Thanh Son បានអះអាងថា វៀតណាមវាយតំលៃខ្ពស់ចំពោះកិច្ចខិតខំប្រឹងប្រែង និងតួនាទីរបស់អង្គការសហប្រជាជាតិនិយាយរួម និង UNODC និយាយដោយឡែកក្នុងការជួយគាំទ្រប្រទេសនានាក្នុងការទប់ស្កាត់ និងប្រយុទ្ធប្រឆាំងរាល់ឧក្រិដ្ឋកម្ម ការជួញដូរគ្រឿងញៀន ការលាងលុយកខ្វក់ ការជួញដូរមនុស្ស។ល។ លោក Bui Thanh Son សង្កត់ធ្ងន់ថា វៀតណាមសង្ឃឹមថា UNODC នឹងបន្តរួមដំណើរជាមួយវៀតណាម ក្នុងការជំរុញការចុះហត្ថលេខាលើអនុសញ្ញានេះ រួមចំណែកដល់ការជម្រុញឲ្យអនុសញ្ញាចូលជាធរមាននាពេលឆាប់ៗ។

លោក Bui Thanh Son ទទួលជួបលោកស្រី Ghada Waly (រូបថត៖ baochinhphu.vn)

ចំណែកលោកស្រី Ghada Waly បានសម្តែងនូវការកោតសរសើរចំពោះការប្តេជ្ញាចិត្តយ៉ាងមុតមាំ និងការរួមចំណែកប្រកបដោយការទទួលខុសត្រូវរបស់វៀតណាមចំពោះកិច្ចខិតខំប្រឹងប្រែងរួមរបស់សហគមន៍អន្តរជាតិក្នុងការប្រយុទ្ធប្រឆាំងនឹងឧក្រិដ្ឋកម្ម ជាពិសេសឧក្រិដ្ឋកម្មតាមអ៊ីនធឺណិត ឧក្រិដ្ឋកម្មគ្រឿងញៀន ការលាងលុយកខ្វក់ ការជួញដូរមនុស្ស...។ លោកស្រីស្វាគមន៍វៀតណាមធ្វើជាម្ចាស់ផ្ទះនៃពិធីចុះហត្ថលេខាលើអនុសញ្ញាអង្គការសហប្រជាជាតិស្តីពីការប្រយុទ្ធប្រឆាំងឧក្រិដ្ឋកម្មតាមអ៊ីនធឺណិត និងវាយតំលៃខ្ពស់ចំពោះការខិតខំប្រឹងប្រែងរបស់ស្ថាប័នមានសមត្ថកិច្ចរបស់វៀតណាមក្នុងការរៀបចំពិធីចុះហត្ថលេខានេះ។ លោកស្រីសម្ដែងនូវការគាំទ្រចំពោះគំនិតផ្តួចផ្តើមរបស់វៀតណាមក្នុងការបង្កើតមជ្ឈមណ្ឌលបណ្តុះបណ្តាលក្នុងតំបន់ស្តីពីឧក្រិដ្ឋកម្មតាមអ៊ីនធឺណិត ហើយអះអាងថា UNODC នឹងបន្តសហប្រតិបត្តិការជាមួយរដ្ឋាភិបាលវៀតណាម ក្នុងការកសាង និងដំណើរការមជ្ឈមណ្ឌលនេះ៕

បកប្រែដោយ Thanh Cong