លោក Tran Thanh Man ប្រធានរដ្ឋសភាវៀតណាមអញ្ជើញជួបសំណេះសំណាលជាមួយអ្នកបោះឆ្នោតទីក្រុង Can Tho

ថ្លែងក្នុងជំនួបសំណេះសំណាលនេះ លោក Tran Thanh Man ប្រធានរដ្ឋសភាវៀតណាម ក៏បានជូនដំណឹងដល់អ្នកបោះ​ឆ្នោតអំពីសេចក្តីសម្រេចរបស់រដ្ឋសភាក្នុងសម័យប្រជុំលើកទី៩។ ជាពិសេសការរៀបចំអង្គភាពរដ្ឋបាល គឺជាគោលនយោបាយសំខាន់ ហើយត្រូវបានគណៈកម្មាធិការមជ្ឈិមបក្ស ការិយាល័យនយោបាយ គណៈលេខាមជ្ឈិមបក្ស រដ្ឋសភា រដ្ឋាភិបាល និងស្ថាប័ននានាក្នុងប្រព័ន្ធនយោបាយដឹកនាំ និងរៀបចំការអនុវត្តព្រមៗគ្នា ដោយមានគោលដៅបង្កើតលំហអភិវឌ្ឍន៍ថ្មី កសាងប្រព័ន្ធនយោបាយបង្រួម ចំណាន និងមានប្រសិទ្ធភាព បម្រើប្រជាជននិងអាជីវកម្មឱ្យកាន់តែល្អ។ ការច្របាច់បញ្ចូលគ្នាទីក្រុង Can Tho និងខេត្ត Soc Trang និងខេត្ត Hau Giang ទៅជាទីក្រុង Can Tho នឹងបង្កើតលំហអភិវឌ្ឍន៍ថ្មី។ បន្ទាប់ពីច្របាច់បញ្ចូលគ្នា ទីក្រុង Can Tho ថ្មីត្រូវបានវាយតម្លៃថា មានលក្ខខណ្ឌអភិវឌ្ឍន៍អំណោយផលបំផុតនៅតំបន់ដីសណ្តទន្លេ Cuu Long។

លោក Tran Thanh Man ប្រធានរដ្ឋសភា និងអ្នកបោះឆ្នោត

ទាក់ទងនឹងការងារសំខាន់ៗនាពេលខាងមុខ លោក​ Tran Thanh Man ប្រធានរដ្ឋសភា ឲ្យដឹងថា ទីក្រុង Can Tho ត្រូវតែជំរុញការធ្វើបរិវត្ដកម្មឌីជីថល ប្រើប្រាស់បញ្ញាសិប្បនិម្មិត និងជំរុញចលនារៀនសូត្រឌីជីថលរបស់ប្រជាជនដើម្បីឱ្យប្រជាពលរដ្ឋម្នាក់ៗ និងអាជីវកម្មនីមួយៗបង្កើនប្រសិទ្ធភាពការងារ។ លោកប្រធានរដ្ឋសភា សង្កត់ធ្ងន់ថា "កម្លាំងរបស់ប្រទេសជាតិគឺធ្វើឲ្យក្បាលម៉ាស៊ីនបង្រួម ចំណាន និងមានប្រសិទ្ធភាព។  ដើម្បីអនុវត្តបានប្រការនោះ យើងត្រូវពឹងផ្អែកលើវិទ្យាសាស្ត្រ បច្ចេកវិទ្យា និងនវានុវត្តន៍" ។

លោក Tran Thanh Man ប្រធានរដ្ឋសភា​​ ថ្លែងក្នុងជំនួបសំណេះសំណាលជាមួយអ្នកបោះឆ្នោត

លោក Tran Thanh Man ប្រធានរដ្ឋសភា​ បានស្នើឱ្យទីក្រុង Can Tho និងឃុំ Vi Thuy បង្កើនការឃោសនាអំពីការច្របាច់បញ្ចូលគ្នារវាងអង្គភាពរដ្ឋបាលថ្នាក់ខេត្ត និងឃុំ  ដើម្បីឱ្យប្រជាពលរដ្ឋយល់ច្បាស់ពីគោលដៅនៃការច្របាច់បញ្ចូលគ្នានេះ គឺដើម្បីបម្រើប្រជាពលរដ្ឋ និងអាជីវកម្មឱ្យកាន់តែប្រសើរឡើង។ ទន្ទឹមនឹងនោះ ពិនិត្យនិងវាយតម្លៃនូវគំរូអាជ្ញាធរមូលដ្ឋានពីរកម្រិត ដើម្បីកែសម្រួលនិងដោះស្រាយបានទាន់ពេលនូវការលំបាកសម្រាប់ធនធានមនុស្ស និងបច្ចេកទេស ដើម្បីធានាឲ្យបាននូវប្រតិបត្តិការផ្លូវការប្រកបដោយរលូន ប្រសិទ្ធភាព និងព្រមៗគ្នា។

* គួររំលឹកថា មុននោះ លោក Tran Thanh Man ប្រធានរដ្ឋសភាវៀតណាម បានអញ្ជើញចុះសួរសុខទុក្ខ និងពិនិត្យស្ថានភាពដោះស្រាយបែបបទរដ្ឋបាលសាធារណៈបម្រើប្រជាពលរដ្ឋ និងធុរកិច្ចនៅមជ្ឈមណ្ឌលបំរើរដ្ឋបាលសាធារណៈឃុំ Vi Thuy៕

បកប្រែដោយ Pham Diep