ជំរុញកិច្ចសហប្រតិបត្តិការលើវិស័យការពារជាតិ និងសន្តិសុខ រវាងវៀតណាម និងចិនឲ្យកាន់តែស៊ីជម្រៅ

លោក Pham Minh Chinh បានអបអរសាទរខួបលើកទី ៧៥ នៃទិវាបុណ្យឯករាជ្យជាតិរបស់ប្រទេសចិន។ លោក Pham Minh Chinh ជឿជាក់ថា ក្រោមការដឹកនាំរបស់បក្សកុម្មុយនិស្តចិន ដែលដឹកនាំដោយលោក Xi Jinping អគ្គលេខាបក្ស និងជាប្រធានរដ្ឋ ប្រទេសចិននឹងសម្រេចបានសមិទ្ធិផលជាច្រើនថែមទៀត។

លោកឧត្តមសេនីយ៍ឯក Zhang Youxia បានសម្តែងនូវសេចក្តីរីករាយដែលបានឃើញការអភិវឌ្ឍប្រកបដោយសុខដុមរមនានៃសង្គម និងសេដ្ឋកិច្ចវៀតណាម ហើយសម្ដែងនូវការជឿជាក់ថា ក្រោមការដឹកនាំរបស់បក្សកុម្មុយនិស្តវៀតណាម ការផ្លាស់ប្ដូរថ្មី និងការកសាងសង្គមនិយមរបស់វៀតណាមនឹងទទួលបានសមិទ្ធិផលកាន់តែច្រើន។ លោកឧត្តមសេនីយ៍ឯក Zhang Youxia បានចាត់ទុកថា ក្នុងបរិបទបច្ចុប្បន្ន ប្រទេសទាំងពីរគប្បីពង្រឹងទំនាក់ទំនងមិត្តភាព។ លោកឧត្តមសេនីយ៍ឯក Zhang Youxia បានឲ្យដឹងថា ដំណើរទស្សនកិច្ចនៅវៀតណាមរបស់គណៈប្រតិភូនៃគណៈកម្មាធិការបក្សយោធាមជ្ឈិមចិន មានគោលបំណងជំរុញកិច្ចសហប្រតិបត្តិការលើវិស័យការពារជាតិ និងសន្តិសុខរវាងប្រទេសទាំងពីរ ជម្រុញកិច្ចសហប្រតិបត្តិការ និងការផ្លាស់ប្តូររវាងកងទ័ពទាំងពីរឲ្យកាន់តែស៊ីជម្រៅ និងជាក់ស្តែង។

លោក Pham Minh Chinh ទទួលជួបលោកឧត្តមសេនីយ៍ឯក Zhang Youxia

លោកឧត្តមសេនីយ៍ឯក Zhang Youxia បានឲ្យដឹងថា លោក និងលោក Phan Van Giang បានសន្ទនាប្រកបដោយជោគជ័យ ដោយសម្រេចបានទស្សនៈរួម និងកិច្ចព្រមព្រៀងជាក់លាក់ជាច្រើន ស្របតាមឯកសារដែលបានចុះហត្ថលេខា និងកិច្ចព្រមព្រៀងរវាងថ្នាក់ដឹកនាំកំពូលនៃបក្សទាំងពីរ និងប្រទេសទាំងពីរ។ លោកឧត្តមសេនីយ៍ឯក Zhang Youxia បានឲ្យដឹងថា សក្តានុពលនៃកិច្ចសហប្រតិបត្តិការលើវិស័យការពារជាតិរវាងភាគីទាំងពីរនៅតែច្រើន កងទ័ពរំដោះប្រជាជនចិនត្រៀមខ្លួនជាស្រេចសហប្រតិបត្តិការជាមួយកងទ័ពប្រជាជនវៀតណាម ដើម្បីរួមចំណែកកសាងសហគមន៍ចែករំលែកអនាគត វៀតណាម - អនាគតចិនមានសារៈសំខាន់ជាយុទ្ធសាស្ត្រ។

ទាក់ទិននឹងបញ្ហាដែនសមុទ្រ លោកឧត្តមសេនីយ៍ឯក Zhang Youxia បានឲ្យដឹងថា ភាគីទាំងពីរគប្បីគោរពតាមទិសដៅដែលឯកភាពដោយថ្នាក់ដឹកនាំជាន់ខ្ពស់នៃបក្សទាំងពីរ។

លោក Pham Minh Chinh បានវាយតម្លៃខ្ពស់ចំពោះលទ្ធផលនៃកិច្ចសន្ទនារវាងលោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Zhang Youxia។ លោកនាយករដ្ឋមន្ត្រីបានឲ្យដឹងថា វៀតណាមគោរពភាពខុសគ្នា ទាញ​យក​ភាពស្រដៀងគ្នា ឆ្ពោះទៅអនាគត និងអនុវត្តទស្សនៈរួមរបស់ថ្នាក់ដឹកនាំជាន់ខ្ពស់នៃប្រទេសទាំងពីរ ហើយស្នើថា កងទ័ពនៃប្រទេសទាំងពីរបន្តជំរុញ "កិច្ចសហប្រតិបត្តិការលើវិស័យការពារជាតិ និងសន្តិសុខឲ្យកាន់តែជាក់ស្ដែង" ព្រមទាំង ជំរុញកិច្ចសហប្រតិបត្តិការលើវិស័យការពារជាតិ និងសន្តិសុខ ជាពិសេសការផ្ទេរវិទ្យាសាស្ត្រ និងបច្ចេកវិទ្យា ការបណ្តុះបណ្តាលធនធានមនុស្ស ការផ្លាស់ប្តូរព័ត៌មាន និងលទ្ធផលស្រាវជ្រាវ។ល។

អំពីបញ្ហាដែនសមុទ្រ លោក Pham Minh Chinh បានស្នើថា ភាគីទាំងពីរអនុវត្តយ៉ាងតឹងរឹងនូវទស្សនៈរួមជាន់ខ្ពស់ ដោះស្រាយនិងគ្រប់គ្រងស្ថានការណ៍នៅសមុទ្របានយ៉ាងល្អ អនុវត្តយ៉ាងពេញលេញនូវសេចក្តីប្រកាសស្តីពីប្រតិបត្តិរបស់ភាគីនានានៅសមុទ្រខាងកើត (DOC) ហើយនឹងបញ្ចប់ការចរចាអំពីក្រមប្រតិបត្តិនៃភាគីនានានៅសមុទ្រខាងកើត (COC) នាពេលឆាប់ៗនេះ។

*នារសៀលថ្ងៃទី ២៦ ខែតុលា លោកឧត្តមសេនីយ៍ឯក Zhang Youxia និងគណៈប្រតិភូចិនបានចាកចេញពីទីក្រុងហាណូយ បញ្ចប់ដំណើរទស្សនកិច្ចជាផ្លូវការនៅវៀតណាមដោយជោគជ័យ៕

បកប្រែដោយ Thuy Anh