ពិធីគោរពវិញ្ញាណក្ខន្ធលោកអគ្គលេខាបក្ស Nguyen Phu Trong ត្រូវបានរៀបចំឡើងយ៉ាងឧឡារិក

២៥ កក្កដា ២០២៤ (11:26)

កប.អនឡាញ - នាព្រឹកថ្ងៃទី២៥ ខែកក្កដា នៅអាគារៀបចំពិធីបុណ្យសពជាតិ (លេខ៥ Tran Thanh Tong ទីក្រុងហាណូយ) គណៈកម្មាធិការមជ្ឈិមបក្សកុម្មុយនិស្តវៀតណាម រដ្ឋសភានៃសាធារណរដ្ឋសង្គមនិយមវៀតណាម ប្រធានរដ្ឋនៃសាធារណរដ្ឋសង្គមនិយមវៀតណាម រដ្ឋាភិបាលនៃសាធារណរដ្ឋសង្គមនិយមវៀតណាម គណៈកម្មាធិការមជ្ឈិមរណសិរ្សមាតុភូមិវៀតណាម និងក្រុមគ្រួសារ បានរៀបចំយ៉ាងឧឡារិកពិធីគោរពវិញ្ញាណក្ខន្ធលោក Nguyen Phu Trong អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម។

ពិធីគោរពវិញ្ញាណក្ខន្ធលោកអគ្គលេខាបក្ស Nguyen Phu Trong ក៏បានប្រព្រឹត្តទៅនៅសាលប្រជុំ Thong Nhat ទីក្រុងហូជីមិញ និងស្រុកកំណើតរបស់លោកអគ្គលេខាបក្ស Nguyen Phu Trong នៅឃុំ Dong Hoi ស្រុក Dong Anh ទីក្រុងហាណូយផងដែរ។

ពិធីគោរពវិញ្ញាណក្ខន្ធលោកអគ្គលេខាបក្ស Nguyen Phu Trong ចាប់ផ្តើមពីម៉ោង ៧៖០០ព្រឹកដល់ម៉ោង ១០៖០០យប់ នៅថ្ងៃទី២៥ ខែកក្កដា ឆ្នាំ២០២៤ និងចាប់ពីម៉ោង ៧៖០០ព្រឹក ដល់ម៉ោង ១៖០០ រសៀល នៅថ្ងៃទី២៦ ខែកក្កដា ឆ្នាំ២០២៤។ គណៈកម្មាធិការរៀបចំពិធីបុណ្យសពនឹងបង្កើតលក្ខខណ្ឌអំណោយផលដើម្បីប្រជាជនអញ្ជើញចូលគោរពវិញ្ញាណក្ខន្ធលោកអគ្គលេខាបក្ស Nguyen Phu Trong ។