លោកប្រធានរដ្ឋ To Lam ចូលរួមពិធីបង្ហាញកម្លាំងចូលរួមការពារសន្តិសុខ និងសណ្តាប់ធ្នាប់នៅមូលដ្ឋាន

ទីក្រុងហូជីមិញបានបង្កើតក្រុមការពារសន្តិសុខ និងសណ្តាប់ធ្នាប់ចំនួន ៤.៨៦១ ក្រុម ដែលលមានសមាជិកចូលរួមជាង ១៥,០០០ នាក់។ កម្លាំងនេះ ជួយគ្រប់គ្រងស្ថានភាពសន្តិសុខ សណ្តាប់ធ្នាប់; កសាងចលនាប្រជាជន ការពារសន្តិសុខជាតិ។ ចូលរួមការពន្លត់អគ្គីភ័យ ការសង្គ្រោះគ្រោះមហន្ដរាយ ការគ្រប់គ្រងរដ្ឋបាលអំពីសណ្តាប់ធ្នាប់សង្គម; ទប់ស្កាត់អំពើខុសច្បាប់នៅក្នុងមូលដ្ឋាន, ចូលរួមការយាមល្បាតធានាសន្តិសុខនិងសុវត្ថិភាពចរាចរណ៍; អនុវត្ដភារកិច្ចការពារសន្តិសុខនិងសណ្តាប់​ធ្នាប់។

លោកប្រធានរដ្ឋ To Lam និងប្រតិភូចូលរួម

អញ្ជើញថ្លែងក្នុងពិធីនេះ លោកប្រធានរដ្ឋ To Lam បានកោតសរសើរចំពោះសមិទ្ធិផល និងស្មារតីរបស់ទីក្រុងហូជីមិញក្នុងការអនុវត្តច្បាប់ស្តីពីកម្លាំងចូលរួមការពារសន្តិសុខ សណ្តាប់ធ្នាប់នៅមូលដ្ឋាន និងត្រៀមរៀបចំបានល្អសម្រាប់ការបង្កើតកម្លាំងចូលរួមការពារសន្តិសុខ​ និងសណ្ដាប់ធ្នាប់នៅមូលដ្ឋាន។

លោកប្រធានរដ្ឋ បានស្នើឱ្យទីក្រុងផ្ដោតលើការកសាងកម្លាំងចូលរួមការពារសន្តិសុខសណ្តាប់ធ្នាប់នៅមូលដ្ឋានក្លាយជាកម្លាំងសំខាន់របស់កម្លាំងនគរបាលក្នុងការបំរើប្រជាជន ការពារសិទ្ធិនិងផលប្រយោជន៍ស្របច្បាប់ ជីវភាពរស់នៅសុខសាន្ត និងសុភមង្គលរបស់ប្រជាពលរដ្ឋ រួមចំណែកពង្រឹងទំនាក់ទំនងជិតស្និទ្ធរវាងបក្ស រដ្ឋជាមួយប្រជាជន។  

លោកប្រធានរដ្ឋ To Lam លើកទឹកចិត្តដល់កម្លាំងចូលរួមការពារសន្តិសុខនិងសណ្តាប់ធ្នាប់

លោកប្រធានរដ្ឋ To Lam ក៏បានស្នើឱ្យគណៈកម្មាធិការបក្សក្រុង និងអាជ្ញាធរគ្រប់លំដាប់ថ្នាក់របស់ទីក្រុងត្រូវកំណត់ពីតួនាទី  និងសារៈសំខាន់នៃកម្លាំងចូលរួមការពារសន្តិសុខ និងសណ្តាប់ធ្នាប់នៅមូលដ្ឋាន ដើម្បីដឹកនាំ និងអនុវត្តឱ្យបានពេញលេញ និងទូលំទូលាយ។ យកចិត្តទុកដាក់លើការធានានូវបរិក្ខារ ឧបករណ៍ របប និងគោលនយោបាយសម្រាប់កម្លាំងនេះ ស្របតាមបទប្បញ្ញត្តិ និងលក្ខខណ្ឌនៃការអភិវឌ្ឍរបស់ទីក្រុង។ ហើយមានយន្តការចលនា​ និងលើកទឹកចិត្តដល់កម្លាំងនេះឱ្យចូលរួមរយៈពេលវែង ក៏ដូចជាទាក់ទាញយុវជនឱ្យចូលរួម បំពេញតម្រូវការការងារនិងធានាសន្តិសុខនិងសណ្តាប់ធ្នាប់នៅមូលដ្ឋានក្នុងស្ថានភាពថ្មី៕

បកប្រែដោយ Pham Diep