ជំរុញភាពជាដៃគូសម្រាប់កិច្ចសហប្រតិបត្តិការ និងអភិវឌ្ឍន៍រវាងវៀតណាម និងអាហ្វ្រិកខាងត្បូង

នៅក្នុងកិច្ចប្រជុំពិភាក្សា ភាគីទាំងពីរបានពិនិត្យឡើងវិញនូវលទ្ធផលនៃកិច្ចសហប្រតិបត្តិការនាពេលថ្មីៗនេះ បានផ្លាស់ប្តូរ និងឯកភាពលើទិសដៅ និងវិធានការសំខាន់ៗ ដោយប្តេជ្ញាជំរុញថែមទៀតទំនាក់ទំនងភាពជាដៃគូសម្រាប់កិច្ចសហប្រតិបត្តិការ និងអភិវឌ្ឍន៍របស់វៀតណាម និងអាហ្វ្រិកខាងត្បូងនាពេលខាងមុខ។ អំពីនយោបាយ និងការទូត ភាគីទាំងពីរបានឯកភាពជំរុញការផ្លាស់ប្តូរគណៈប្រតិភូ និងទំនាក់ទំនងរវាងគ្រប់លំដាប់ថ្នាក់ បន្តលើកកម្ពស់តួនាទីនៃយន្តការសហប្រតិបត្តិការទ្វេភាគី ពង្រឹងក្របខណ្ឌច្បាប់តាមរយៈការបញ្ចប់ និងចុះហត្ថលេខាលើកិច្ចព្រមព្រៀងក្នុងវិស័យឧត្តមសិក្សា និងរ៉ែ ក្នុងពេលឆាប់ៗនេះ។

លោកស្រី Vo Thi Anh Xuan  និងលោក Paul Mashatile

ទាក់ទងនឹងសេដ្ឋកិច្ច ភាគីទាំងពីរបានអះអាងថា នឹងបន្តសម្របសម្រួលយ៉ាងជិតស្និទ្ធ ដើម្បីពង្រីកទំហំ និងរចនាសម្ព័ន្ធនៃការផ្លាស់ប្តូរពាណិជ្ជកម្ម ជំរុញការផ្លាស់ប្តូរគណៈប្រតិភូធុរកិច្ច និងរៀបចំសកម្មភាពជំរុញការវិនិយោគ-ពាណិជ្ជកម្ម។ ទាក់ទិននឹងការវិនិយោគ ភាគីទាំងពីរបានបញ្ជាក់ពីការត្រៀមខ្លួនបង្កើតលក្ខខណ្ឌអំណោយផលសម្រាប់ធុរកិច្ចនៃប្រទេសទាំងពីរក្នុងការស្វែងរកកាលានុវត្តភាពសហប្រតិបត្តិការវិនិយោគលើចំណុចខ្លាំងរបស់ភាគីនីមួយៗ។ ទាក់ទងនឹងវិស័យកសិកម្ម ភាគីទាំងពីរបានកំណត់ថា ចាំបាច់ត្រូវបន្តជំរុញកិច្ចសហប្រតិបត្តិការលើមូលដ្ឋាននៃការអនុវត្ត ឬចុះហត្ថលេខាលើឯកសារសហប្រតិបត្តិការថ្មី ដើម្បីរួមចំណែកបំពេញតម្រូវការរបស់ប្រទេសនីមួយៗ ក៏ដូចជារួមចំណែកធានាសន្តិសុខស្បៀងក្នុងពិភពលោក។ ភាគីទាំងពីរក៏បានពិភាក្សាអំពីកិច្ចសហប្រតិបត្តិការលើវិស័យការពារជាតិ-សន្តិសុខ ការអប់រំ-បណ្តុះបណ្តាល វប្បធម៌ ទេសចរណ៍ កីឡា ...។

លោកស្រី Vo Thi Anh Xuan  ជួប​ពិភាក្សា​ការងារ​ជា​មួយ​​លោក Paul Mashatile

អំពីកិច្ចសហប្រតិបត្តិការក្នុងក្របខ័ណ្ឌពហុភាគី ភាគីទាំងពីរបានឯកភាពបន្ត សហការ និងគាំទ្រគ្នាទៅវិញទៅមក ជាពិសេសនៅអង្គការសហប្រជាជាតិ និងចលនាមិនចូលបក្សសម្ព័ន្ធ ចែករំលែកទស្សនៈស្តីពីការដោះស្រាយជម្លោះក្នុងតំបន់ និងពិភពលោកដោយសន្តិវិធី ឈរលើមូលដ្ឋានច្បាប់អន្តរជាតិ និងធម្មនុញ្ញអង្គការសហប្រជាជាតិ។

បកប្រែដោយ Duy Hoan