លោក Joe Biden ប្រធានាធិបតីសហរដ្ឋអាមេរិក មកដល់ទីក្រុងហាណូយ ចាប់ផ្តើមដំណើរទស្សនកិច្ចផ្លូវរដ្ឋនៅវៀតណាម

លោកប្រធានាធិបតីសហរដ្ឋអាមេរិកចាកចេញពីយន្តហោះ Air Force One

ដំណើរទស្សនកិច្ចនេះត្រូវបានប្រព្រឹត្តទៅក្នុងឱកាសដែលវៀតណាម និងអាមេរិកប្រារព្ធខួបលើកទី ១០ នៃការបង្កើតទំនាក់ទំនងភាពជាដៃគូលើគ្រប់ជ្រុងជ្រោយ (ឆ្នាំ២០១៣-ឆ្នាំ២០២៣) ហើយបង្ហាញពីការយកចិត្តទុកដាក់របស់សហរដ្ឋអាមេរិកចំពោះវៀតណាម និងលោក Nguyen Phu Trong អគ្គលេខាបក្សកុម្មុយនិស្តវៀតណាម។ ដំណើរទស្សនកិច្ចនេះក៏ជាលើកដំបូងដែលទាំងប្រធានាធិបតី និងអនុប្រធានាធិបតីសហរដ្ឋអាមេរិកបំពេញទស្សនកិច្ចនៅវៀតណាមក្នុងមួយអាណត្តិ។

តាមគម្រោង នារសៀលថ្ងៃនេះ លោក Nguyen Phu Trong អគ្គលេខាបក្ស នឹងអញ្ជើញធ្វើជាអធិបតីក្នុងពិធីទទួលបដិសណ្ឋារកិច្ចជាផ្លូវការលោក Joe Biden ប្រធានាធិបតីនៅវិមានប្រធានរដ្ឋ។ បន្ទាប់ពីនោះ មេដឹកនាំទាំងពីរនឹងធ្វើការពិភាក្សាគ្នា៕

បកប្រែដោយ Thuy Anh