ក្នុងសម័យប្រជុំនេះ រដ្ឋាភិបាលបានពិភាក្សាអំពីស្ថានភាពសេដ្ឋកិច្ច-សង្គមក្នុងខែឧសភា និង៥ខែដំបូងនៃដើមឆ្នាំ២០២២; ការអនុវត្តសេចក្តីសម្រេចចិត្តលេខ ០១/NQ-CP របស់រដ្ឋាភិបាល; ការអនុវត្តកម្មវិធីស្តីពីការស្តារនិងអភិវឌ្ឍន៍សេដ្ឋកិច្ចសង្គម; ការបែងចែកនិងបើកដើមទុនថវិការដ្ឋឆ្នាំ២០២២។

leftcenterrightdel
លោកនាយករដ្ឋមន្ត្រី Pham Minh Chinh​ ថ្លែងនៅសម័យប្រជុំ (រូបថត៖ vnanet.vn)

របាយការណ៍នៅក្នុងសម័យប្រជុំបានសរឲ្យឃើញថា នៅក្នុងខែឧសភា ស្ថានភាពពិភពលោកបានបន្តមានកាវិវឌ្ឍយ៉ាងស្មុគស្មាញ និងមិនអាចទាយទុកជាមុនបាន ជម្លោះរុស្ស៊ី និងអ៊ុយក្រែនមិនទាន់មានសញ្ញាបន្ធូរបន្ថយឡើយ។ អតិផរណា តម្លៃទំនិញ គ្រឿងឧបភោគនិងបរិភោគ ប្រេងឆៅ វត្ថុធាតុដើមកើនឡើង ហើយហានិភ័យនៃវិបត្តិសន្តិសុខស្បៀងនិងថាមពលជាសកល... ដែលប៉ះពាល់យ៉ាងខ្លាំងដល់ប្រទេសយើង។ ក្នុងបរិបទនោះ ដោយមានការដឹកនាំដ៏ត្រឹមត្រូវពីបក្ស ការគាំទ្រនិងត្រួតពិនិត្យពីរដ្ឋសភា ការដឹកនាំទាន់ពេលវេលានិងមានប្រសិទ្ធភាពពីរដ្ឋាភិបាល និងនាយករដ្ឋមន្ត្រីបានជួយឲ្យស្ថានភាពសេដ្ឋកិច្ចសង្គមក្នុងខែឧសភា និង៥ខែ ដើមឆ្នាំទទួលបានលទ្ធផលជាវិជ្ជមាន។

លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា៖ “លទ្ធផលនេះគឺបានមកពីការដឹកនាំដ៏ឆ្លាតវៃនិងទាន់ពេលវេលាពីបក្ស រដ្ឋ ជាពិសេសពីលោកអគ្គលេខាបក្ស Nguyen Phu Trong និងប្រព័ន្ធនយោបាយទាំងមូល ការដឹកនាំពីរដ្ឋាភិបាល និងលោកនាយករដ្ឋមន្ត្រី រួមទាំងការគាំទ្រនិងចូលរួមយ៉ាងសកម្មពីប្រជាជន អាជីវកម្ម និងការគាំទ្រពីមិត្តអន្តរជាតិ។ លទ្ធផលនេះក៏រួមចំណែកក្នុងការពង្រឹងទំនុកចិត្តរបស់ប្រជាជនលើការដឹកនាំរបស់បក្ស និងរដ្ឋាភិបាល ព្រមទាំងពង្រឹងទំនុកចិត្តពីមិត្តភ័ក្តិ និងវិនិយោគិនបរទេសក្នុងការអភិវឌ្ឍរបស់វៀតណាម”។

leftcenterrightdel
ទិដ្ឋភាពនៃសម័យប្រជុំ (រូបថត៖ vnanet.vn)

យោងតាមលោកនាយករដ្ឋមន្ត្រី បានឲ្យដឹងថា ក្រសួង ស្ថាប័ន និងតំបន់មូលដ្ឋានត្រូវផ្ដោតលើការរក្សាស្ថិរភាពម៉ាក្រូសេដ្ឋកិច្ច និងគ្រប់គ្រងអតិផរណា ធានាតុល្យភាពនៃខឿនសេដ្ឋកិច្ច; អនុវត្តប្រកបដោយប្រសិទ្ធភាពនូវគោលនយោបាយជួយគាំទ្រការប្រាក់សម្រាប់សហគ្រាស សហករណ៍និងគ្រួសារ  មានតម្លាភាពក្នុងទីផ្សារភាគហ៊ុន ពង្រឹងរចនាសម្ព័ន្ធសេដ្ឋកិច្ច ជំរុញការអភិវឌ្ឍបៃតង ការបំប្លែងថាមពល ការបំប្លែងឌីជីថល។ រៀបចំរចនាសម្ព័ន្ធសហគ្រាសរដ្ឋឡើងវិញ ដោយមិនទុកឱ្យបាត់បង់ទ្រព្យសម្បត្តិរដ្ឋ និងរៀបចំរចនាសម្ព័ន្ធទីផ្សាររូបិយប័ណ្ណឡើងវិញ ...៕

បកប្រែដោយ Thanh Cong