គណៈកម្មាធិការនានានៃរដ្ឋសភាវៀតណាមនិងរដ្ឋសភាឡាវចែករំលែកបទពិសោធន៍
កប.អនឡាញ - នាថ្ងៃទី១៨ តុលា នៅទីស្នាក់ការរដ្ឋសភា គណៈកម្មាធិការវិទ្យាសាស្រ្ត បច្ចេកវិទ្យានិងបរិស្ថាន គណៈកម្មាធិការការពារជាតិនិងសន្តិសុខនៃរដ្ឋសភាវៀតណាមបានសហការជាមួយគណៈកម្មាធិការទាក់ទងបរទេសនៃរដ្ឋសភាឡាវរៀបចំសិក្ខាសាលាតាមប្រព័ន្ធវីដេអូដើម្បីចែករំលែកបទពិសោធន៍ក្នុងការបង្កើតច្បាប់ស្តីពីការវាស់វែង ផែនទីនិងច្បាប់ស្តីពីព្រំដែនជាតិ។
ប្រតិភូទាំងឡាយបានផ្តោតទៅលើការផ្ដល់យោបល់ស្ដីពីខ្លឹមសាររបស់សេចក្តីព្រាងច្បាប់ស្តីពីការវាស់វែង និងផែនទីរបស់ឡាវ ហើយចែករំលែកបទពិសោធន៍ក្នុងការកសាងការកំណត់ស្ដីពីការការពារព្រំដែនជាតិក្នុងច្បាប់ស្តីពីព្រំដែនជាតិរបស់វៀតណាម ការកំណត់ស្ដីពីកម្លាំងចូលរួមការការពារព្រំដែន។
|
|
ទិដ្ឋភាពនៃសិក្ខាសាលា (រូបថត៖ quochoi.vn) |
ទន្ទឹមនឹងនោះ គណៈប្រតិភូរដ្ឋសភាវៀតណាមក៏បានផ្ដល់យោបល់ស្ដីពីការកែសម្រួលខ្លឹមសារមួយចំនួន បច្ចេកទេសនីតិបញ្ញត្តិ ការរៀបចំជំពូកឲ្យកាន់តែសមហេតុផលថែមទៀត។
ប្រធានគណៈកម្មាធិការទាក់ទងបរទេសនៃរដ្ឋសភាឡាវ លោក Sanya Praserth បានថ្លែងអំណរគុណចំពោះការចែករំលែកបទពិសោធន៍ដ៏មានតម្លៃរបស់រដ្ឋសភាវៀតណាមក្នុងការកសាងនិងអនុវត្តច្បាប់ស្ដីពីការគ្រប់គ្រង ការការពារព្រំដែនជាតិ ហើយសង្កត់ធ្ងន់ថា នេះជាឯកសារសំខាន់ៗសម្រាប់ប្រទេសឡាវបន្តកសាងនិងសុគ្រឹតសេចក្តីព្រាងច្បាប់ស្តីពីព្រំដែនជាតិនៅពេលខាងមុខ៕
បកប្រែដោយ Thuy Anh