ពិធីបង្ហូតទង់ជាតិវៀតណាមអបអរសាទរទិវាបុណ្យឯករាជ្យជាតិត្រូវបានធ្វើឡើងជាលើកដំបូងនៅទីក្រុង Jersey សហរដ្ឋអាមេរិក

តំណាងសាលាក្រុង Jersey និងស្ថាប័នតំណាងវៀតណាមប្រចាំអាមេរិកចូលរួមពិធីបង្ហូតទង់ជាតិ។ (រូបថត៖ VNA)

ថ្លែងនៅពិធីបង្ហូតទង់ជាតិ លោកស្រី Watterman ប្រធានក្រុមប្រឹក្សាទីក្រុង Jersey បានសង្កត់ធ្ងន់ថា ការរៀបចំពិធីបង្ហូតទង់ជាតិវៀតណាមជាលើកដំបូងនៅទីក្រុង Jersey គឺសំដៅលើកតម្កើងសេរីភាពនៃខឿនវប្បធម៌នានា។ សង្គ្រាមបានកន្លងផុតទៅហើយ បច្ចុប្បន្ននេះភាគីទាំងពីរកំពុងខិតខំប្រឹងប្រែងឈានទៅមុខ។ លោកស្រី Watterman បានប្រគល់ជូនស្ថានកុងស៊ុលវៀតណាមប្រចាំទីក្រុងញូវយ៉ក់ សេចក្ដីប្រកាសដែលចុះហត្ថលេខាដោយអភិបាលទីក្រុង Jersey ដោយមានខ្លឹមសារថា នៅថ្ងៃទី២ ខែកញ្ញា ឆ្នាំ២០២១ ទីក្រុង Jersey បានលើកតម្កើងទិវាឯករាជ្យជាតិវៀតណាម។ សេចក្ដីប្រកាសបញ្ជាក់ផងដែរថា ព្រឹត្តិការណ៍ដ៏សំខាន់នេះបានឆ្លុះបញ្ចាំងនូវចំណងមិត្តភាពដ៏ជិតស្និទ្ធរវាងសហរដ្ឋអាមេរិកនិងវៀតណាម៕

តាម vovworld.vn