ពិធីរំលឹកខួបលើកទី ៧១ ឆ្នាំ នៃការបង្កើតទំនាក់ទំនងការទូតវៀតណាម-ចិន

អញ្ជើញថ្លែងនៅក្នុងពិធីនេះ ឯកអគ្គរដ្ឋទូតវៀតណាមប្រចាំចិន លោក Pham Sao Mai បានសង្កត់ធ្ងន់ថា៖ ឆ្នាំ ២០២១ មានសារសំខាន់យ៉ាងខ្លាំងសម្រាប់ទាំងវៀតណាម និងចិន ពោលគឺជាឆ្នាំដំបូង ដែលវៀតណាមអនុវត្តសេចក្តីសំរេចចិត្តនៃមហាសន្និបាតលើកទី ១៣ របស់បក្ស “ផែនការអភិវឌ្ឍសេដ្ឋកិច្ចសង្គមរយៈពេល ៥ ឆ្នាំ ២០២១ - ២០២៥” និង “យុទ្ធសាស្ត្រអភិវឌ្ឍសេដ្ឋកិច្ចសង្គមរយៈពេល ១០ ឆ្នាំ ២០២១ - ២០៣០”។ ប្រទេសេសចិនរៀបចំពិធីរំលឹកខួបលើកទី ១០០ ឆ្នាំ នៃការបង្កើតបក្សកុម្មុយនិស្តចិន និងបានចាប់ផ្តើមអនុវត្ត “ផែនការមេស្ដីពីការអភិវឌ្ឍសេដ្ឋកិច្ច - សង្គម រយៈពេល ៥ ឆ្នាំ លើកទី ១៤ និងគោលដៅចក្ខុវិស័យដល់ឆ្នាំ ២០៣៥”។

ឯកអគ្គរដ្ឋទូតវៀតណាមប្រចាំចិន លោក Pham Sao Mai (រូបថត៖ vov.vn)

នាថ្ងៃទី ៨ កុម្ភៈ អគ្គលេខាបក្ស ប្រធានរដ្ឋវៀតណាម លោក Nguyen Phu Trong អគ្គលេខាបក្ស ប្រធានរដ្ឋចិន លោក Xi Jinping បានធ្វើកិច្ចសន្ទនាតាមទូរស័ព្ទដោយបានដាក់ចេញទិសដៅធំៗ អំពីការអភិវឌ្ឍទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ វៀតណាម - ចិន នាពេលខាងមុខ។ ក្នុងស្មារតីនេះ លោកឯកអគ្គរដ្ឋទូត Pham Sao Mai បានស្នើថា ភាគីទាំងពីរត្រូវអនុវត្តឱ្យបានពេញលេញ និងប្រកបដោយប្រសិទ្ធភាពនូវទស្ស​នៈរួមរបស់​ថ្នាក់ជាន់ខ្ពស់ បង្កើនជំនឿទុកចិត្តនយោបាយ ពង្រីក​ និងលើកកំពស់ប្រសិទ្ធភាពនៃកិច្ចសហប្រតិបត្តិការលើគ្រប់វិស័យគ្រប់គ្រង និងដោះស្រាយការខ្វែងគំនិតគ្នាដោយឈរលើការគោរពផលប្រយោជន៍ស្របច្បាប់របស់គ្នាទៅវិញទៅមកស្របតាមច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ នាំទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម - ចិន អភិវឌ្ឍដោយឥតឈប់ឈរប្រកបដោយសុខសន្តិភាព ស្ថិរភាព និងស៊ីជម្រៅ រួមចំណែករក្សាសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍ ក្នុងតំបន់និងលើពិភពលោក៕

តាម vovworld.vn