អ្នកសិក្សាកាណាដាដើមកំណើតវៀតណាមវាយតម្លៃខ្ពស់ចំពោះសតិអារម្មណ៍របស់លោកប្រធាន ហូជីមិញក្នុងការប្រយុទ្ធប្រឆាំងនឹងការរើសអើងជាតិសាសន៍
កប.អនឡាញ - នាថ្ងៃទី ២០ ខែកុម្ភៈ នៅទីក្រុងអូតាវ៉ា ប្រទេសកាណាដា ក្នុងក្របខ័ណ្ឌនៃព្រឹត្តិការណ៍លើកតម្កើងបេតិកភណ្ឌរបស់សហគមន៍ជនជាតិកាណាដាដើមកំណើតអាហ្រ្វិក និងផ្សព្វផ្សាយវប្បធម៌នៃ “ទ្វីបអាហ្រ្វិក” បានចេញផ្សាយសៀវភៅមួយក្បាលអំពី “លោកប្រធានហូជីមិញ៖ ជាតិសាសន៍សម្បុរខ្មៅ និងអត្ថបទអំពីការរើសអើងជាតិសាសន៍” (ជាភាសាអង់គ្លេសនិងភាសាវៀតណាម) របស់សាស្ត្រាចារ្យ បណ្ឌិត លោកស្រី Nguyen Dai Trang។ ពិធីនេះរៀបចំឡើងដោយសមាគមមិត្តភាពកាណាដា - វៀតណាម តាមរយៈប្រព័ន្ធវីដេអូ។
    |
 |
|
លោកស្រីសាស្ត្រាចារ្យ Nguyen Dai Trang (រូបថត៖ vnanet.vn) |
នេះគឺជាសៀវភៅទី ៥ របស់សាស្ត្រាចារ្យ បណ្ឌិត លោកស្រី Nguyen Dai Trang សរសេរអំពីលោកប្រធានហូជីមិញ។ សាស្ត្រាចារ្យ Nguyen Dai Trang បានចំណាយពេលជាងមួយភាគបួននៃសតវត្សរ៍ដើម្បីប្រមូលផ្ដុំ ស្រាវជ្រាវ និងសរសេរអំពីលោកប្រធានហូជីមិញ។ ចែករំលែកអំពីការសរសេរសៀវភៅនេះ លោកស្រីសាស្ត្រាចារ្យ បណ្ឌិត Nguyen Dai Trang បានឲ្យដឹងថា លោកប្រធានហូជីមិញមានឥទ្ធិពលយ៉ាងខ្លាំងលើចលនារំដោះជាតិនៅទ្វីបអាហ្រ្វិក ក៏ដូចជាចលនាប្រឆាំងនឹងសង្គ្រាមនិងទាមទារសិទ្ធិស្មើភាពសម្រាប់ប្រជាជនដើមកំណើតអាហ្វ្រិកនៅប្រទេសអាមេរិក។ ប្រការនេះបានលើកទឹកចិត្ដលោកស្រីប្រមូលផ្ដុំអត្ថបទចំនួន ២០ របស់លោកប្រធានហូជីមិញដើម្បីបង្ហាញក្នុងសៀវភៅនេះ។
លោកស្រីសាស្រ្តាចារ្យ Anita Agrawal ជាសកម្មជនម្នាក់ដែលធ្វើការតស៊ូសម្រាប់សមភាពយេនឌ័របានសង្កត់ធ្ងន់លើអត្ថន័យជាប្រវត្ដិសាស្ដ្រអំពីការរើសអើងជាតិសាសន៍របស់លោកប្រធានហូជីមិញ។
លោក Femi Oloruntoba សហប្រធានក្រុមប្រឹក្សាពាណិជ្ជកម្មកាណាដា - វៀតណាមបានចែករំលែកថា អត្ថបទអំពីការរើសអើងជាតិសាសន៍របស់លោកប្រធានហូជីមិញបានក្រើនរំលឹកដ៏អស្ចារ្សសម្រាប់ជនសម្បុរខ្មៅដកមេរៀននៅពេលចូលរួមចលនា "Black lives matter" មានន័យថា “អាយុជីវិតរបស់ជនសម្បុរខ្មៅក៏សំខាន់ដែរ” និងកសាងផែនការសកម្មភាពនាពេលអនាគត៕
បកប្រែដោយ Pham Diep