ពិធីផ្ញើសាររបស់លោកអគ្គលេខាបក្សនិងជាប្រធានរដ្ឋវៀតណាម និងជូនអំណោយដល់ប្រជាជនគុយបា

មានប្រសាសន៍ក្នុងពិធី លោក Pham Hong Ha  បានឲ្យដឹងថា ថ្នាក់ដឹកនាំបក្ស រដ្ឋវៀតណាមសូមអរគុណចំពោះជំនួយទាន់វេលារបស់បក្ស និងរដ្ឋគុយបាក្នុងការប្រយុទ្ធប្រឆាំងនឹងជំងឺ Covid-19។  បក្ស រដ្ឋ និងប្រជាជនវៀតណាមបានសម្រេចចិត្តអំពីការជូនអំណោយមួយចំនួនដើម្បីចែករំលែកការលំបាកដែលប្រជាជនគុយបាត្រូវបានប្រឈមមុខនៅពេលខាងមុខនេះ។ វៀតណាមត្រៀមជាស្រេចជួយប្រទេសគុយបាអំពីឧបករណ៍វេជ្ជសាស្រ្តសម្រាប់ការប្រយុទ្ធប្រឆាំងនឹងជំងឺរាតត្បាត។ លោក Pham Hong Ha  បានសម្ដែងនូវក្តីសប្បាយរីករាយចំពោះការអនុវត្តប្រកបដោយប្រសិទ្ធភាពនូវកិច្ចសហប្រតិបត្តិការលើវិស័យវេជ្ជសាស្រ្តរវាងប្រទេសទាំងពីរ។

លោក Pham Hong Ha  ផ្ញើសាររបស់លោក Nguyen Phu Trong ជូនដល់ថ្នាក់ដឹកនាំជាន់ខ្ពស់គុយបា និងផ្តល់អង្ករជានិមិត្តរូប ៥,០០០ តោនរបស់បក្ស រដ្ឋ និងប្រជាជនវៀតណាមជូនដល់បក្ស រដ្ឋ និងប្រជាជនគុយបា (រូបថត៖ ក្រសួងសំណង់)

លោកស្រី Lianys Torres Rivera ឯកអគ្គរដ្ឋទូតគុយបាប្រចាំនៅវៀតណាមបានថ្លែងអំណរគុណចំពោះអំណោយរបស់បក្ស រដ្ឋ និងប្រជាជនវៀតណាម និងបានឲ្យដឹងថា ប្រជាជនគុយបាវាយតម្លៃខ្ពស់ចំពោះមនោសញ្ចេតនារបស់ប្រជាជនវៀតណាម។ លោកស្រីឯកអគ្គរដ្ឋទូតគុយបាបានចាត់ទុកថា ក្នុងឋានៈជាប្រធានអាស៊ាន ទោះជាមានការលំបាកជាច្រើនក៏ដោយ ប៉ុន្តែវៀតណាមបានចែករំលែកធនធានរបស់ខ្លួនជាមួយពិភពលោក រួមជាមួយប្រទេសទាំងឡាយយកឈ្នះជំងឺរាតត្បាត Covid-19 ផងដែរ។

លោកស្រី Lianys Torres Rivera បានវាយតំលៃខ្ពស់ចំពោះការបរិច្ចាគប្រាក់សន្សំរបស់ក្រុមអតីតនិស្សិតវៀតណាមដែលកំពុងរស់នៅនៅប្រទេសគុយបាដើម្បីជួយប្រជាជនគុយបា ជាពិសេសសកម្មភាពនេះបានបង្ហាញពីចំណងមិត្តភាព និងជិតស្និទ្ធរវាងប្រជាជននៃប្រទេសទាំងពីរ៕

បកប្រែដោយ Thanh Cong