កម្ពុជាចង់ធ្វើជាស្ពានតភ្ជាប់រវាងអង្គការ SCO និង អាស៊ាន
កប.អនឡាញ - ទេសរដ្ឋមន្រ្តីកម្ពុជាលោក ប្រាក់ សុខុន មានប្រសាសន៍ថា ប្រទេសនេះអាចដើរតួនាទីជាស្ពានតភ្ជាប់រវាងបណ្តាខឿនសេដ្ឋកិច្ចនៃអង្គការសហប្រតិបត្តិការសៀងហៃ (SCO) និងអាស៊ាន។
|
|
ទិដ្ឋភាពជំនួបរវាងលោកប្រធានចិន ស៊ី ជីន ពិង និងគ្រប់រដ្ឋមន្រ្តីការពារជាតិ SCO (រូបថត៖ THX/TTXVN) |
ទេសរដ្ឋមន្រ្តីលោក ប្រាក់ សុខុន បានឲ្យដឹងថា ប្រការនេះនឹងជួយពង្រីកសេដ្ឋកិច្ច សង្គមកិច្ច របស់កម្ពុជាផង ព្រមទាំងពង្រីកទីផ្សារនាំចេញរបស់កម្ពុជាផង។
លោកទេសរដ្ឋមន្រ្តីក៏បានឲ្យដឹងថា កម្ពុជាក្លាយជាសមាជិកអង្គការ SCO កាលពីឆ្នាំ២០១៥ មកម៉្លេះដែរ។ អង្គការ SCO បានកំណត់យ៉ាងច្បាស់លាស់នូវបណ្តាវិស័យសម្រាប់កិច្ចសហប្រតិបត្តិការ សមស្របនឹងរាល់គោលនយោបាយ និងយុទ្ធសាស្រ្តអភិវឌ្ឍន៍របស់កម្ពុជា។
លោកប្រាក់ សុខុន មានប្រសាសន៍ទៀតថា៖ “យើងខ្ញុំបានមើលឃើញពីសក្តានុភាពនៃកិច្ចសហប្រតិបត្តិការកាន់តែធំឡើងនៃអង្គការ SCO ក្នុងបណ្តាវិស័យដូចជា៖ សន្តិសុខ សេដ្ឋកិច្ច ពាណិជ្ជកម្ម វិនិយោគទុន ថាមពល ទេសចរណ៍ និងការប្រឆាំងនឹងភេរវកម្មជាដើម៕
បកប្រែដោយ Minh Trung