វៀតណាមរួមចំណែកយ៉ាងសកម្មនៅកិច្ចសន្ទនា ASEAN-EU ស្ដីពីអភិវឌ្ឍន៍និរន្តរភាព
កប.អនឡាញ - នាថ្ងៃទី១៧ ខែវិច្ឆិកា នៅទីក្រុងបាងកកបានប្រព្រឹត្តទៅកិច្ចសន្ទនា ASEAN-EU ស្ដីពីអភិវឌ្ឍន៍និរន្តរភាពដោយមានប្រធានបទ “ឆ្ពោះទៅគោលដៅអភិវឌ្ឍនិរន្តរភាព” ក្រោមកិច្ចសហការដឹកនាំដោយរដ្ឋមន្រ្តីក្រសួងការបរទេសថៃលោក Don Pramudwinai និងលោក Neven Mimica សមាជិកគណៈកម្មាធិការអឺរ៉ុបទទួលបន្ទុកកិច្ចសហប្រតិបត្តិការ និងអភិវឌ្ឍអន្តរជាតិ ។
កិច្ចសន្ទនា ASEAN-EU (រូបថត៖ chinhphu.vn)
នៅកិច្ចសន្ទនា អនុរដ្ឋមន្រ្តីក្រិោសួងការបរទេសវៀតណាម លោក Nguyen Quoc Dung បានលើកឡើងវិស័យមួយចំនួនដែល ASEAN និង EU អាចបន្តជម្រុញដូចជា ពង្រីកការតភ្ជាប់សេដ្ឋកិច្ច ពាណិជ្ជកម្ម និងវិនិយោគទ្វេភាគី តំបន់ និងអន្តរតំបន់កសាងគោលនយោបាយអនុវត្តបណ្ដាគោលដៅអភិវឌ្ឍនិរន្តរភាព របស់អង្គការសហប្រជាជាតិ លើមូលដ្ឋានឆ្ពោះទៅប្រជាជន យកប្រជាជនជាស្នូល។ ASEAN និង EU គប្បីផ្តោតទៅលើការអប់រំ វិទ្យាសាស្រ្តបច្ចេកវិទ្យាជាកម្លាំងចលករអភិវឌ្ឍ និងជាការច្នៃប្រឌិតថ្មីសម្រាប់ពលករវ័យក្មេង៕
បកប្រែដោយ Thuy Anh